ଲକ୍ଷ୍ନୌ: ଅଲିଗଡ ମୁସଲିମ ବିଶ୍ୱବିଦ୍ୟାଳୟର ଶତବାର୍ଷିକୀ ଉତ୍ସବରେ ମୁଖ୍ୟ ଅତିଥି ଭାବରେ ଯୋଗଦେବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । କେନ୍ଦ୍ର ଶିକ୍ଷାମନ୍ତ୍ରୀ ରମେଶ ପୋଖରିଆଲ ନିଶକଙ୍କ ସହ ଏକ ଅନଲାଇନ୍ କାର୍ଯ୍ୟକ୍ରମ ମାଧ୍ୟମରେ ସେ ଏମୟୁ ଭ୍ରାତୃତ୍ୱକୁ ସମ୍ବୋଧିତ କରିବେ । ତେବେ ଡିସେମ୍ବର 22 ତାରିଖରେ ଅନୁଷ୍ଠିତ ହେବ ଅଲିଗଡ ମୁସଲିମ ବିଶ୍ୱବିଦ୍ୟାଳୟର ଶତବାର୍ଷିକୀ ଉତ୍ସବ ।
ଅଲିଗଡ ମୁସଲିମ ବିଶ୍ୱବିଦ୍ୟାଳୟର ନିମନ୍ତ୍ରଣ ଗ୍ରହଣ କରିଥିବାରୁ କୁଳପତି ପ୍ରଫେସର ତାରିକ ମାନସୁର ନରେନ୍ଦ୍ର ମୋଦି ଓ ଶିକ୍ଷାମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି । ଏହାସହ ସେ କହିଛନ୍ତି ଶତବାର୍ଷିକୀ ଉତ୍ସବରେ ସେମାନଙ୍କ ଉପସ୍ଥିତି ଦେଶ ତଥା ବିଶ୍ୱରେ ବ୍ୟାପିଥିବା ଏମୟୁ ସମ୍ପ୍ରଦାୟକୁ ଏକ ଗୁରୁତ୍ୱପୂର୍ଣ୍ଣ ବାର୍ତ୍ତା ପ୍ରଦାନ କରିବ ବୋଲି କହିଛନ୍ତି ।
ସେ କହିଛନ୍ତି ଯେ ଶତବାର୍ଷିକୀ ଉତ୍ସବ ଯେକୌଣସି ବିଶ୍ୱବିଦ୍ୟାଳୟ ଇତିହାସରେ ଏକ ସ୍ମରଣୀୟ ବର୍ଷ ଏବଂ ଏହି ମହାନ ଅନୁଷ୍ଠାନର ଶତବାର୍ଷିକୀକୁ ସ୍ମରଣୀୟ ଉତ୍ସବରେ ଯୋଗଦେବା ପାଇଁ ଆମେ ରାଷ୍ଟ୍ରପତି, ପ୍ରଧାନମନ୍ତ୍ରୀ, ଶିକ୍ଷା ମନ୍ତ୍ରୀ ତଥା ସଂଖ୍ୟାଲଘୁ ବ୍ୟାପାର ମନ୍ତ୍ରୀଙ୍କ ସମେତ ବିଭିନ୍ନ ବିଶିଷ୍ଟ ବ୍ୟକ୍ତିବିଶେଷଙ୍କୁ ଅନ୍ତର୍ଭୁକ୍ତ କରିଛୁ।
ବ୍ୟୁରୋ ରିପୋର୍ଟ, ଇଟିଭି ଭାରତ
