ନୂଆଦିଲ୍ଲୀ: ବେଙ୍ଗାଲୁରୁ ଟେକ୍ ସମ୍ମିଳନୀର ଉଦଘାଟନ କରିବେ ପ୍ରଧାନମନ୍ତ୍ରୀ ମୋଦି । ନଭେମ୍ବର 19, 2020 ବା ଆସନ୍ତାକାଲି ଭିସି ଦ୍ବାରା ଦିନ 11ଟା ସମୟରେ ଏହାର ଉଦଘାଟନ ହେବ ବୋଲି ଅଧିକାରୀମାନେ ବୁଧବାର କହିଛନ୍ତି।
କର୍ଣ୍ଣାଟକ ସରକାରଙ୍କ ଦ୍ୱାରା ଆୟୋଜିତ ବେଙ୍ଗାଲୁରୁ ଟେକ୍ ସମ୍ମିଳନୀ, କର୍ଣ୍ଣାଟକ ଇନୋଭେସନ୍ ଆଣ୍ଡ ଟେକ୍ନୋଲୋଜି ସୋସାଇଟି (କିଟ୍ସ୍), ସୂଚନା ପ୍ରଯୁକ୍ତିବିଦ୍ୟା, ବାୟୋଟେକ୍ନୋଲୋଜି ଏବଂ ଷ୍ଟାର୍ଟଅପ୍, ସଫ୍ଟୱେୟାର ଟେକ୍ନୋଲୋଜି ପାର୍କ ଅଫ୍ ଇଣ୍ଡିଆ (ଏସଟିପିଆଇ) ଏବଂ ଏମ୍ ଆକ୍ଟିଭ ସାଇ-ଟେକ୍ କମ୍ୟୁନିକେସନ୍ ସହିତ କର୍ଣ୍ଣାଟକ ସରକାରଙ୍କ ଦ୍ବାରା ଆୟୋଜିତ ହୋଇଛି । ନଭେମ୍ବର 19 ରୁ 21 ପର୍ଯ୍ୟନ୍ତ ହେବାର କାର୍ଯ୍ୟକ୍ରମ ରହିଛି ।
ଏହି ସମ୍ମିଳନୀରେ ଅଷ୍ଟ୍ରେଲିଆ ପ୍ରଧାନମନ୍ତ୍ରୀ ସ୍କଟ ମୋରିସନ୍, ସ୍ୱିସ୍ କନଫେଡେରେସନ୍ ଉପାଧ୍ୟକ୍ଷ ଗାଇ ପାରମେଲିନ୍ ଏବଂ ଅନ୍ୟାନ୍ୟ ବିଶିଷ୍ଟ ଆନ୍ତର୍ଜାତୀୟ ବ୍ୟକ୍ତିବିଶେଷଙ୍କ ଅଂଶଗ୍ରହଣ ଦେଖିବାକୁ ମିଳିବ । ସେମାନଙ୍କ ବ୍ୟତୀତ ବୁଦ୍ଧିଜୀବି, ଶିଳ୍ପପତି, ଅନୁସନ୍ଧାନକାରୀ, ଉଦ୍ଭାବକ, ନିବେଶକ, ନୀତି ନିର୍ଣ୍ଣୟକାରୀ ଏବଂ ଭାରତ ତଥା ବିଶ୍ବର ଶିକ୍ଷାବିତ୍ ମାନେ ମଧ୍ୟ ଏହି ସମ୍ମିଳନୀରେ ଅଂଶଗ୍ରହଣ କରିବେ ।
ଏହି ବର୍ଷ ଶିଖର ସମ୍ମିଳନୀର ବିଷୟବସ୍ତୁ ହେଉଛି “ପରବର୍ତ୍ତୀ ହେଉଛି ବର୍ତ୍ତମାନ” । ମହାମାରୀ ପରବର୍ତ୍ତୀ ଦୁନିଆରେ ସୃଷ୍ଟି ହେଉଥିବା ପ୍ରମୁଖ ଆହ୍ବାନ ଉପରେ ଏହି ସମ୍ମିଳନୀରେ 'ସୂଚନା ପ୍ରଯୁକ୍ତିବିଦ୍ୟା ଏବଂ ଇଲେକ୍ଟ୍ରୋନିକ୍ସ' ଏବଂ 'ବାୟୋଟେକ୍ନୋଲୋଜି' ପରିସରରେ ପ୍ରଯୁକ୍ତିବିଦ୍ୟା ତଥା ଅଭିନୟର ପ୍ରଭାବ ଉପରେ ଧ୍ୟାନ ଦିଆଯିବ ।
