ନୂଆଦିଲ୍ଲୀ: ଭୁଟାନ ଓ ନେପାଳକୁ ଧନ୍ୟବାଦ ଜଣାଇଲେ ପ୍ରଧାନମନ୍ତ୍ରୀ ମୋଦି । କୋରୋନା ଭୂତାଣୁ ସହ ଲଢିବା ପାଇଁ COVID-19 ଜରୁରୀକାଳୀନ ପାଣ୍ଠିରେ ଯୋଗଦାନ ଦେଇଥିବାରୁ ସାର୍କ ଦେଶକୁ ଟ୍ବିଟ କରି ମୋଦି ଦୁଇ ଦେଶର ନେତାଙ୍କୁ ଧନ୍ୟବାଦ ଅର୍ପଣ କରିଛନ୍ତି ।
ମାର୍ଚ୍ଚ 15ରେ ସାର୍କ ନେତା ତଥା ପ୍ରତିନିଧୀଙ୍କୁ ଭିଡିଓ ମାଧ୍ୟମରେ ସମ୍ବୋଧିତ କରି ମୋଦି ଏହି ଉଦ୍ଦେଶ୍ୟରେ ଭାରତରୁ 10 ମିଲିୟନ୍ ଡଲାରର ପ୍ରାରମ୍ଭିକ ଅଫର ସହିତ ଜରୁରୀକାଳୀନ ପାଣ୍ଠି ପ୍ରସ୍ତାବ ଦେଇଥିଲେ । ଭୁଟାନ ସରକାରଙ୍କ ତରଫରୁ COVID-19 ଜରୁରୀକାଳୀନ ପାଣ୍ଠିରେ 100,000 ଡଲାର ଯୋଗଦାନ କରିବାକୁ ନିଷ୍ପତ୍ତି ନେଇଥିବାରୁ @PMBhutan ଡକ୍ଟର ଲୋଟେ ଶେରିଙ୍ଗଙ୍କୁ ଟ୍ବିଟ କରି କୃତଜ୍ଞତା ଜଣାଇଛନ୍ତି ।
ମୋଦି କହିଛନ୍ତି ଯେ ସାର୍କ ନେତାମାନେ ପଦକ୍ଷେପ ନେଉଛନ୍ତି ଯାହା କୋରୋନା ଭାଇରସ୍ ବିରୋଧରେ ସାମୂହିକ ସଂଗ୍ରାମରେ ଶକ୍ତି ଯୋଗାଉଛି । ଏହାସହ ସେ କହିଛନ୍ତି, "COVID-19 ଜରୁରୀକାଳୀନ ପାଣ୍ଠିରେ NPR 10 କୋଟି ଅବଦାନର PM @ kpsharmaoliଙ୍କ ଘୋଷଣାକୁ ଗଭୀର ପ୍ରଶଂସା କରିଛନ୍ତି । ଏହା ମହାମାରୀ ବିରୋଧରେ SAARC ଦେଶଗୁଡିକର ସାମୂହିକ ଲଢେଇରେ ଓଲି ଜୀଙ୍କର ପ୍ରତିବଦ୍ଧତା ଏବଂ ସମର୍ଥନକୁ ପ୍ରତିଫଳିତ କରିଥାଏ ।"
