ନୂଆଦିଲ୍ଲୀ: ଆଜିଠାରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ତ୍ରିରାଷ୍ଟ୍ରୀୟ ଗସ୍ତ ଆରମ୍ଭ। ପ୍ରଥମେ ଫ୍ରାନ୍ସ, ଓ ତାପରେ ସଂଯୁକ୍ତ ଆରବ ଏମିରେଟ୍ସ ଓ ବହାରିନ ଯାତ୍ରା କରିବେ ମୋଦି। ଫ୍ରାନ୍ସ ଗସ୍ତ ସମୟରେ ମୋଦି ବିୟାରିଜରେ 45 ତମ ଜି-7 ଶିଖର ସମ୍ମିଳନୀରେ ଯୋଗ ଦେବେ। ଏହା ମୋଦିଙ୍କର ପ୍ରଥମ ବାହରିନ ଯାତ୍ରା ।
ପଢନ୍ତୁ ମୋଦିଙ୍କ ବିଦେଶ ଗସ୍ତ କାର୍ଯ୍ୟକ୍ରମର ସମ୍ପୂର୍ଣ୍ଣ ସୂଚୀ...
ସଂଧ୍ୟାରେ ଫ୍ରାନ୍ସ ପହଞ୍ଚିବେ ମୋଦି
ପ୍ରଧାମନ୍ତ୍ରୀ ମୋଦି ସଂଧ୍ୟାରେ ଫ୍ରାନ୍ସ ପହଞ୍ଚିବେ । ସଂଧ୍ୟାରେ ହିଁ ମୋଦି ଫ୍ରାନ୍ସ ରାଷ୍ଟ୍ରପତି ଇମୈନୁଅଲ ମୈକ୍ରୋଙ୍କ ସହିତ ବୈଠକ କରିବେ । ଦୁଇ ନେତାଙ୍କ ମଧ୍ୟରେ ପ୍ରଥମେ ଔପଚାରିକ ବୈଠକ ହେବା ପରେ ଡେଲିଗେସନ ସ୍ତରୀୟ ବୈଠକ ହେବ । ମୋଦି ଫ୍ରାନ୍ସରେ ଭାରତୀୟ ସମୁଦାୟଙ୍କୁ ସମ୍ବୋଧିତ କରିବାର କାର୍ଯ୍ୟକ୍ରମ ମଧ୍ୟ ରହିଛି ।
23 ଅଗଷ୍ଟରେ ୟୁଏଇ ଯିବେ ମୋଦି
ମୋଦି 23ରୁ 25 ଅଗଷ୍ଟ ପର୍ଯ୍ୟନ୍ତ ୟୁଏଇ ଓ ବାହରିନ ଗସ୍ତରେ ଯିବେ । ୟୁଏଇ ଓ ବାହାରିନ ଯାତ୍ରା ସାରିବା ପରେ 25 ଅଗଷ୍ଟରେ ହିଁ ପୁଣି ମୋଦି ବିୟାରିଜ ଯାଇ ରାତ୍ରି ଭୋଜନରେ ଯୋଗ ଦେବେ । ଶିଖର ସମ୍ମିଳନୀରେ ମୋଦି 'ଅସମାନତା ବିରୁଦ୍ଧରେ ଲଢେଇ' ବିଷୟ ଉପରେ ନିଜର ବିଚାର ରଖିବେ ।
ୟୁଏଇର ସର୍ବୋଚ୍ଚ ନିଗରିକ ସମ୍ମାନ 'ଆର୍ଡର ଅଫ ଜାୟଦ' ଗ୍ରହଣ କରିବେ ମୋଦି
ମୋଦିଙ୍କ ୟୁଏଇ ଗସ୍ତ ସବୁଠୁ ଖାସ ରହିଛି । ଏହି ଗସ୍ତ ସମୟରେ ମୋଦି ୟୁଏଇର ସର୍ବୋଚ୍ଚ ନାଗରିକ ସମ୍ମାନ 'ଅର୍ଡର ଅଫ ଜାୟେଦ'ଗ୍ରହଣ କରିବେ । ଏଥିସହ ମୋଦି ମହାତ୍ମା ଗାନ୍ଧୀଙ୍କ 150 ତମ ଜୟନ୍ତୀ ଅବସରରେ ଡାକ ଟିକଟ ମଧ୍ୟ ଜାରି କରିବେ ।
ଭାରତୀୟ ପ୍ରଧାନମନ୍ତ୍ରୀଙ୍କ ପ୍ରଥମ ବାହରିନ ଯାତ୍ରା
ୟୁଏଇରୁ ମୋଦି 24 ଅଗଷ୍ଟ ବାହରିନ ଯିବେ । ଭାରତର କୌଣସି ପ୍ରଧାନମନ୍ତ୍ରୀଙ୍କ ଏହା ପ୍ରଥମ ବାହରିନ ଯାତ୍ରା । ବାହରିନରେ ମୋଦି ନିଜର ପ୍ରତିପକ୍ଷ ରାଜକୁମାର ଶେଖ ଖଲିଫା ବିନ ସଲମାନ ଅଲ ଖଲିଫାଙ୍କ ସହ ସାକ୍ଷାତ କରିବେ । ଏହି ଗସ୍ତ ସମୟରେ ପ୍ରଧାନମନ୍ତ୍ରୀ ମାନାମାରେ ଶ୍ରୀନାଥଜୀ ମନ୍ଦିରର ପୁନରୁଦ୍ଧାର କାର୍ଯ୍ୟର ଆରମ୍ଭ କରିବେ ।
