ନୂଆଦିଲ୍ଲୀ: ଦୁଇ ଦିନିଆ ସାଉଦି ଆରବ ଗସ୍ତରେ ଥିବା ପ୍ରଧାନମନ୍ତ୍ରୀ ସୋମବାର ବିଳମ୍ବିତ ରାତିରେ ରିୟାଦରେ ପହଞ୍ଚିଛନ୍ତି । ମୋଦି ଏୟାର ଇଣ୍ଡିଆର ସ୍ବତନ୍ତ୍ର ବିମାନରେ ରିୟାଦର କିଙ୍ଗ ଖାଲିଦ ଇଣ୍ଟର ନ୍ୟାସନାଲ ଏୟାରପୋର୍ଟରେ ପହଞ୍ଚିବା ପରେ ତାଙ୍କୁ ଭବ୍ୟ ସ୍ବାଗତ ସମ୍ବର୍ଦ୍ଧନା ଦିଆଯାଇଛି । ପ୍ରଧାନମନ୍ତ୍ରୀ ମୋଦି ତାଙ୍କ ପ୍ରତିପକ୍ଷ ରିୟାଦ କିଙ୍ଗ ସଲମାନ ବିନ ଅବଦୁଲ ଅଜୀଜ ଅଲ ସୌଦଙ୍କ ନିମନ୍ତ୍ରଣ ରକ୍ଷା କରି ସାଉଦିଆରବ ଗସ୍ତରେ ଯାଇଛନ୍ତି ।
ମୋଦିଙ୍କ ପଶ୍ଚିମ ଏସୀୟ ଦେଶକୁ ଯାତ୍ରା ବିଭିନ୍ନ ଦୃଷ୍ଟିରୁ ମହତ୍ତ୍ବ ରଖୁଛି । ସାଉଦି ଆରବ ଯାତ୍ରା ସମୟରେ ମୋଦି କ୍ରାଉନ ପ୍ରିନ୍ସ ମହମ୍ମଦ ବିନ ସଲମାନଙ୍କ ସହ ଅନେକ ବିଷୟ ଉପରେ ଆଲୋଚନା କରିବେ । ତେଲ, ଗ୍ୟାସ, ନବୀକରଣୀୟ ଉର୍ଜା ସହ ବିଭିନ୍ନ ଗୁରୁତ୍ତ୍ବପୂର୍ଣ୍ଣ ବିଷୟରେ ଚର୍ଚ୍ଚା ହେବାର ଅଛି । ଅନ୍ୟପକ୍ଷେ ମୋଦି ରୂପେ-କାର୍ଡର ଲଞ୍ଚ କରିବେ । ଏହାସହ ସେ ଫ୍ୟୁଚର ଇନଭେଷ୍ଟମେଣ୍ଟ ଇନିସିଏଟିଭ(FII) ଅଧିବେଶନରେ ଯୋଗ ଦେବାର କାର୍ଯ୍ୟକ୍ରମ ରହିଛି ।
