ନୂଆଦିଲ୍ଲୀ: ଆଜି ରାଷ୍ଟ୍ରପତି ରାମନାଥ କୋବିନ୍ଦଙ୍କ 75ତମ ଜନ୍ମଦିନ । ସେ 1945 ମସିହା ଅକ୍ଟୋବର 1ରେ ଉତ୍ତରପ୍ରଦେଶ କାନପୁର ଜିଲ୍ଲାର ପରଉଙ୍ଖ ଗ୍ରାମରେ ଜନ୍ମଗ୍ରହଣ କରିଥିଲେ । ସେ ଭାରତର 14ତମ ରାଷ୍ଟ୍ରପତି ଭାବେ 2017 ମସିହା ଜୁଲାଇ 25ରେ ଶପଥ ଗ୍ରହଣ କରିଥିଲେ ।
ତେବେ ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗୁରୁବାର ରାଷ୍ଟ୍ରପତିଙ୍କୁ ଜନ୍ମଦିନର ଶୁଭେଚ୍ଛା ଜଣାଇ ଟ୍ବିଟ କରି କହିଛନ୍ତି,‘ରାଷ୍ଟ୍ରପତିଜୀଙ୍କୁ ଜନ୍ମଦିନର ଶୁଭେଚ୍ଛା। ତାଙ୍କର ସମୃଦ୍ଧ ଜ୍ଞାନ ଏବଂ ନୀତି ସମ୍ବନ୍ଧୀୟ ଉତ୍ତମ ବୁଝାମଣା ଆମ ଦେଶ ପାଇଁ ମହତ୍ବପୂର୍ଣ୍ଣ ସମ୍ପତ୍ତି। ସେ ଲୋକଙ୍କ ସେବା ପ୍ରତି ଅତ୍ୟନ୍ତ ଦୟାଳୁ ଅଟନ୍ତି। ମୁଁ ତାଙ୍କ ଉତ୍ତମ ସ୍ୱାସ୍ଥ୍ୟ ଏବଂ ଦୀର୍ଘ ଜୀବନ ପାଇଁ ପ୍ରାର୍ଥନା କରୁଛି’।
