ନୂଆଦିଲ୍ଲୀ: ଆଜି ନମୋଙ୍କ ଜନ୍ମଦିନ । ସବୁଆଡୁ ମୋଦିଙ୍କ ପାଖକୁ ଛୁଟୁଛି ଶୁଭେଚ୍ଛାର ସୁଅ । ସୋସିଆଲ ମିଡିଆରେ ଟ୍ରେଣ୍ଡ କରୁଛି ମୋଦିଙ୍କ ଶୁଭେଚ୍ଛା । ଟପ 10 ଇଣ୍ଡିଆ ଟ୍ରେଣ୍ଡ ଭିତରେ ରହିଛି ନମୋଙ୍କ ବର୍ଥ ଡେ ୱିଶ ।
ଯେଉଁଥିରେ ସବୁଠୁ ଆଗରେ ରହିଛି ଅମୂଲ ପକ୍ଷରୁ ହୋଇଥିବା ଟ୍ବିଟର ଶୁଭେଚ୍ଛା #happybirthdaynarendramodi, #HappyBirthdayPM ଏବଂ #ShriNarendraModi ଦ୍ବିତୀୟ ଏବଂ ପଞ୍ଚମ ସ୍ଥାନରେ ରହିଛନ୍ତି । କେବଳ ଗୋଟିଏ ଘଣ୍ଟା ଭିତରେ ଟପ 10ରେ ଟ୍ରେଣ୍ଡ କରୁଛି ବର୍ଥ ଡେ ୱିଶ । ଦେଶର କୋଣ ଅନୁକୋଣରୁ ମୋଦିଙ୍କ ପାଇଁ ଶୁଭେଚ୍ଛାରେ ଭରିଦେଇଛନ୍ତି । ତାଙ୍କର କର୍ମ ପାଇଁ ସେ ସାଜିଛନ୍ତି ସମ୍ମାନର ପାତ୍ର ।
ଅନ୍ୟମାନେ ସୋସିଆଲ ମିଡିଆରେ ମୋଦିଙ୍କୁ ଶୁଭେଚ୍ଛା ଜଣାଉଥିବା ବେଳେ ଅହମ୍ମଦାବାଦ ବାସୀ ତାଙ୍କର ସ୍ବାଗତ ପାଇଁ ଅପେକ୍ଷା କରିବସିଥିଲେ। ବିମାନବନ୍ଦର ସାମନାରେ ଅପେକ୍ଷା କରି ରହିଥିଲେ ମୋଦି ପ୍ରେମୀ ।
