ନୂଆଦିଲ୍ଲୀ: କୋରୋନା ରୋଗୀଙ୍କ ଚିକିତ୍ସା ପାଇଁ ପ୍ଲାଜମା ଥେରାପି ପ୍ରକ୍ରିୟା ବନ୍ଦ କରିବାକୁ କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟ ବିଚାର କରୁଛନ୍ତି। ଇଣ୍ଡିଆନ୍ କାଉନସିଲ୍ ଅଫ୍ ମେଡିକାଲ୍ ରିସର୍ଚ୍ଚ ମଙ୍ଗଳବାର କହିଛି ଯେ ମୃତ୍ୟୁହାର ହ୍ରାସ କରିବାରେ ପ୍ଲାଜମା ଥେରାପି ପ୍ରଭାବଶାଳୀ ନୁହେଁ। କେନ୍ଦ୍ରର ଏହି ପ୍ରସ୍ତାବକୁ ଦିଲ୍ଲୀର ସ୍ବାସ୍ଥ୍ୟମନ୍ତ୍ରୀ ସତ୍ୟେନ୍ଦ୍ର ଜୈନ ବିରୋଧ କରିଛନ୍ତି।
ପ୍ଲାଜମା ଥେରାପି ପ୍ରଭାବଶାଳୀ ନୁହେଁ ବୋଲି କହିବା ଭୁଲ ବୋଲି ସେ ଆଇସିଏମଆର ଦାବିକୁ ପ୍ରତ୍ୟାଖ୍ୟାନ କରିଛନ୍ତି। ସେ କହିଛନ୍ତି, ‘ମୁଁ ନିଜେ ଏକ ଉଦାହରଣ । ପ୍ଲାଜମା ମୋ ଜୀବନ ରକ୍ଷା କରିଛି, ମୁଁ କହିବି ଏହାକୁ ବନ୍ଦ କରାଯିବା ଉଚିତ୍ ନୁହେଁ ’ । ସେ ଏହା ମଧ୍ୟ କହିଛନ୍ତି ଯେ ଦେଖାଯାଉଛି ଯେ ଦିଲ୍ଲୀରେ ଦୁଇ ହଜାରରୁ ଅଧିକ ଲୋକଙ୍କୁ ପ୍ଲାଜମା ବ୍ୟାଙ୍କ ମାଧ୍ୟମରେ ପ୍ଲାଜମା ଦିଆଯାଇଛି ଏବଂ ଅନେକ ଲୋକ ନିଜେ ପ୍ଲାଜମା ବ୍ୟବସ୍ଥା କରିଛନ୍ତି।
ସତ୍ୟେନ୍ଦ୍ର ଜୈନ ଆହୁରି ମଧ୍ୟ କହିଛନ୍ତି ଯେ ICMR-AIIMS ଏକାଠି ଏକ କେସ୍ ଷ୍ଟଡି ଆରମ୍ଭ କରିଥିଲେ କିନ୍ତୁ ଏଥିରେ କୌଣସି ବଡ ସଫଳତା ମିଳିପାରି ନାହିଁ। ପ୍ଲାଜମାକୁ ପ୍ରଭାବଶାଳୀ ବୋଲି ବର୍ଣ୍ଣନା କରିଛନ୍ତି ସେ ।
ଦିଲ୍ଲୀର ସ୍ବାସ୍ଥ୍ୟମନ୍ତ୍ରୀ କହିଛନ୍ତି ଯେ ଆମେରିକା ମଧ୍ୟ ସ୍ବୀକାର କରିଛି ଯେ ପ୍ଲାଜମାର ସୁବିଧା ରହିଛି । ଦିଲ୍ଲୀ ଆଗରେ ରହିଛି। ଯେଉଁମାନଙ୍କୁ ପ୍ଲାଜମା ଦିଆଯାଇଥିଲା ସେମାନଙ୍କ ପରିବାରକୁ ପଚାର, ସେମାନେ ଉପକୃତ ହୋଇଛନ୍ତି । ଏହି ନିଷ୍ପତ୍ତିକୁ ପୁନର୍ବିଚାର କରିବାକୁ ସେ ଆବେଦନ କରିଛନ୍ତି ।
