ନୂଆଦିଲ୍ଲୀ: ବ୍ରିଟେନର ଅକ୍ସଫୋର୍ଡ ୟୁନିଭରସିଟର ବୈଜ୍ଞାନିକମାନେ ପ୍ରସ୍ତୁତ କରୁଥିବା ଟିକାର ଆଜି ଭାରତରେ ହେଉଛି ଦ୍ୱିତୀୟ ପର୍ଯ୍ୟାୟ ଟ୍ରାଏଲ । ପୁନେ ସ୍ଥିତ ସିରମ ଇନଷ୍ଟିଚ୍ୟୁଟ ପକ୍ଷରୁ ଆଜି ଏହି ଟିକାର ଦ୍ୱିତୀୟ ପର୍ଯ୍ୟାୟ ଟ୍ରାଏଲ ହେବ । ଯଦି ଦ୍ୱିତୀୟ ପର୍ଯ୍ୟାୟ ମାନବ ପରୀକ୍ଷଣ ସଫଳ ହୁଏ ତେବେ ତୃତୀୟ ପର୍ଯ୍ୟାୟର ପରୀକ୍ଷଣ ପାଇଁ ସୁବିଧା ହେବ । ସୁସ୍ଥ ଭାରତୀୟ ବୟସ୍କମାନଙ୍କ ଉପରେ ‘କୋଭିଶିଲ୍ଡ’ର ନିରାପତ୍ତା ନିର୍ଣ୍ଣୟ କରିବା ପାଇଁ ପର୍ଯ୍ୟବେକ୍ଷକ-ଦୃଷ୍ଟିହୀନ, ରାଣ୍ଡୋମାଇଜଡ୍ ନିୟନ୍ତ୍ରିତ ଅଧ୍ୟୟନ ପୁଣେର ଭାରତ ବିଦ୍ୟାପଥ ମେଡିକାଲ୍ କଲେଜ ଏବଂ ହସ୍ପିଟାଲରେ ଆରମ୍ଭ ହେବ।
ଅଗଷ୍ଟ 25 ରୁ ଭାରତ ବିଦ୍ୟାପୀଠ ମେଡିକାଲ କଲେଜ ଏବଂ ହସ୍ପିଟାଲରେ ମାନବ କ୍ଲିନିକାଲ୍ ପରୀକ୍ଷା ପ୍ରକ୍ରିୟା ଆରମ୍ଭ କରିବାକୁ ଯାଉଛି । ଆମେ ଆମ ଦେଶର ଲୋକଙ୍କ ପାଇଁ ଏକ ବିଶ୍ୱ ସ୍ତରୀୟ କୋଭିଡ -19 ଟିକା ଉପଲବ୍ଧ କରାଇବାକୁ ଏବଂ ଆମ ଦେଶକୁ‘ ଆତ୍ମ ନିର୍ଭର ’କରିବାକୁ ଯାଉଛୁ ବୋଲି ଅତିରିକ୍ତ ନିର୍ଦ୍ଦେଶକ ପ୍ରକାଶ କୁମାର ସିଂ, ସରକାର ଏବଂ ନିୟାମକ ବ୍ୟାପାର, ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆ ଗଣମାଧ୍ୟମକୁ କହିଛି । ଦେଶର ୧୭ଟି ରାଜ୍ୟର ପ୍ରାୟ ୧୬୦୦ ଲୋକ ଏହି ଟ୍ରାଏଲ ପଦ୍ଧତିରେ ସାମିଲ ହେବେ । ସମସ୍ତଙ୍କ ବୟସ ୧୮ ବର୍ଷରୁ ଅଧିକ ରହିଛି । ଭାରତରେ ପ୍ରସ୍ତୁତ ହେଉଥିବା ଏହି ଟିକାର ନାଁ ରହିଛି କୋଭିସିଲ୍ଡ ।
କୋରୋନାର ମୁକାବିଲା କରିବା ପାଇଁ ଭାରତରେ ଏବେ ଅନେକ ଟିକାକୁ ବିକଶିତ କରାଯାଉଛି । ତେବେ ସବୁଠୁ ଆଗରେ ରହିଛି ସିରମ ଇନଷ୍ଟିଚ୍ୟୁଟ ଓ ଭାରତ ବାଓଟେକ୍ ଦ୍ୱାରା ପ୍ରସ୍ତୁତ ହେଉଥିବା କୋରୋନା ଟିକା । ସ୍ୱଦେଶୀ ଜ୍ଞାନ କୌଶଳରେ ନିର୍ମିତ ହେଉଥିବା ଏହି କୋରୋନା ଟିକା ଖୁବ ଶୀଘ୍ର ବଜାରକୁ ଆସିବ ବୋଲି ବୈଜ୍ଞାନିକମାନେ ଆଶା ରଖିଛନ୍ତି ।
