ନୂଆଦିଲ୍ଲୀ: ସବୁଠି କୋରୋନା ଭୟ । ହେଲେ ନିଜ ଜୀବନକୁ ପାଣି ଛଡାଇ ଅନ୍ୟ ପାଇଁ ଯୋଦ୍ଧାର କାମ କରୁଥିବା ଦିଲ୍ଲୀ ପୋଲିସ ଏବେ ପୁଣି ଚର୍ଚ୍ଚାରେ ରହିଛି । ଶୁଣିଲେ ଆଶ୍ଚର୍ଯ୍ୟ ଲାଗିବ କିନ୍ତୁ କଥାଟି ସତ । ପିସିଆର ଭ୍ୟାନରେ ପ୍ରସୂତିଙ୍କୁ ମେଡିକାଲ ନିଆଯାଉଛି । କେବଳ ପ୍ରସୂତି ନୁହେଁ, ଗୁରୁତର ରୋଗୀଙ୍କୁ ମଧ୍ୟ ସାହାଯ୍ୟ କରୁଛି ପୋଲିସ ।
ଗତ 24 ଘଣ୍ଟା ମଧ୍ୟରେ, 20 ଜଣ ଗର୍ଭବତୀ ମହିଳାଙ୍କୁ ପିସିଆର ଦ୍ବାରା ବିଭିନ୍ନ ଡାକ୍ତରଖାନାକୁ ନିଆଯାଇଥିଲା । ଏପରିକି ଜଣେ ମହିଳା ଭ୍ୟାନ ମଧ୍ୟରେ ଏକ ସନ୍ତାନ ମଧ୍ୟ ଜନ୍ମ ଦେଇଥିଲେ । ଲକ ଡାଉନ ପରଠାରୁ ପାଖାପାଖି 813 ପ୍ରସୂତିଙ୍କୁ ପିସିଆର ମାଧ୍ୟମରେ ମେଡିକାଲରେ ଭର୍ତ୍ତି କରାଯାଇଛି ।
ଡିସିପି ଶରତ ସିହ୍ନାଙ୍କ ସୂଚନା ଅନୁଯାୟୀ, ରାଜଧାନୀ ଦିଲ୍ଲୀରେ କୋରୋନା ସଂକ୍ରମଣ ବଢିବାରେ ଲାଗିଛି । ଲକ ଡାଉନର ଜାରି ରହିଥିବାରୁ ପରିବହନ ସେବା ସମ୍ପୂର୍ଣ୍ଣ ବନ୍ଦ ରହିଛି । ରୋଗୀମାନେ ମେଡିକାଲ ଯିବାକୁ ଅଟୋ କି ଆମ୍ବୁଲାନ୍ସ ନେଉନାହାଁନ୍ତି । ତେଣୁ, ଗୁରୁତର ରୋଗୀଙ୍କୁ ଡାକ୍ତରଖାନା ପଠାଇବା ଏବଂ ସେମାନଙ୍କୁ ସାହାଯ୍ୟ କରିବା ପାଇଁ ପିସିଆର କାର୍ଯ୍ୟ କରୁଛି |
ବ୍ୟୁରୋ ରିପୋର୍ଟ, ଇଟିଭି ଭାରତ
