ନୂଆଦିଲ୍ଲୀ: ଜାତୀୟ ପଞ୍ଚାୟତିରାଜ ଦିବସରେ ଟ୍ବିଟ କରି ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି ଉପରାଷ୍ଟ୍ରପତି ଏମ ଭେଙ୍କେୟା ନାଇଡୁ । ଦେଶରେ ଗଣତନ୍ତ୍ରର ମୂଳଦୁଆକୁ ମଜବୁତ କରିବାରେ ପଞ୍ଚାୟତିରାଜ ଅନୁଷ୍ଠାନଗୁଡ଼ିକ ବିଶେଷ ଅବଦାନ ରହିଥିବା କହିଛନ୍ତି ଭେଙ୍କେୟା ।
ଉପରାଷ୍ଟ୍ରପତି କହିଛନ୍ତି ଯେ ପଞ୍ଚାୟତିରାଜ ଅନୁଷ୍ଠାନଗୁଡିକ ବିକେନ୍ଦ୍ରୀକରଣ ଶାସନ ଏବଂ ଯୋଜନାରେ ଦେଶର ଗଣତନ୍ତ୍ରର ମୂଳଦୁଆକୁ ସୁଦୃଢ କରିବାରେ ପ୍ରମୁଖ ଭୂମିକା ଗ୍ରହଣ କରିଛନ୍ତି । ରାଜ୍ୟଗୁଡିକ ପଞ୍ଚାୟତକୁ ସମ୍ପୂର୍ଣ୍ଣ ସଶକ୍ତ କରିବାର ଆବଶ୍ୟକତା ରହିଛି । 73 ତମ ସାମ୍ବିଧାନିକ ସଂଶୋଧନ ଲାଗୁ ହେବା ପରଠାରୁ ସ୍ଥାନୀୟ ସ୍ବାୟତଶାସନ କ୍ଷେତ୍ରରେ ଗୁରୁତ୍ବପୂର୍ଣ୍ଣ ଅଗ୍ରଗତି ହୋଇଛି । ତଥାପି ଆହୁରି ଅନେକ କିଛି କରିବା ଆବଶ୍ୟକ ଅଛି ବୋଲି କହିଛନ୍ତି ଭେଙ୍କେୟା ।
ଉପରାଷ୍ଟ୍ରପତି ଟ୍ବିଟ କରି କହିଛନ୍ତି ଯେ କହିଛନ୍ତି ଯେ ରାଜ୍ୟଗୁଡିକୁ ତିନୋଟି Fs - ପାଣ୍ଠି ଜରିଆରେ ପଞ୍ଚାୟତକୁ ସମ୍ପୂର୍ଣ୍ଣ ସଶକ୍ତ କରିବାର ଆବଶ୍ୟକତା ରହିଛି । ଅନ୍ୟପକ୍ଷେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶୁକ୍ରବାର ପଞ୍ଚାୟତିରାଜ ଦିବସ ଅବସରରେ ଭିଡିଓ କନଫରେନନ୍ସ ଜରିଆରେ ଦେଶର ବିଭିନ୍ନ ଗ୍ରାମ ପଞ୍ଚାୟତକୁ ସମ୍ବୋଧିତ କରିଛନ୍ତି । ଏହାସହ ପ୍ରଧାନମନ୍ତ୍ରୀ ଇ-ଗ୍ରାମସ୍ବରାଜ ପୋର୍ଟାଲର ଲଞ୍ଚ କରିଛନ୍ତି । ଏହି ପୋର୍ଟାଲ ପଞ୍ଚାୟତିରାଜ ମନ୍ତ୍ରଣାଳୟର ଏକ ପଦକ୍ଷେପ ଯାହା ଗ୍ରାମ ପଞ୍ଚାୟତ ବିକାଶ ଯୋଜନା (ଜିପିଡିପି) ପ୍ରସ୍ତୁତ କରିବ ।
@ANI
