ରଜୌରୀ: ସୁନ୍ଦରବନି ସେକ୍ଟରର ନିୟନ୍ତ୍ରଣ ରେଖାରେ ପାକ ପକ୍ଷରୁ ଅସ୍ତ୍ରବିରତି ଉଲ୍ଲଂଘନ କରାଯାଇଛି । ସୋମବାର ଦିନ 1.30ରେ ପାକ ସେନା ପକ୍ଷରୁ ପ୍ରବଳ ଗୁଳିବର୍ଷଣ କରାଯାଇଥିବା ସୂଚନା ମିଳିଛି । ଏନେଇ ସେନା ପକ୍ଷରୁ ସୂଚନା ଦିଆଯାଇଛି ।
ଭାରତୀୟ ସେନା ପକ୍ଷରୁ କୁହାଯାଇଛି, ପାକିସ୍ତାନ ଦ୍ବାରା ଦିନ 1.30ରେ କ୍ଷୁଦ୍ର ଅସ୍ତ୍ର ସହ ମୋର୍ଟାର ମାଡ କରାଯାଇଛି । ତେବେ କୌଣସି କ୍ଷୟକ୍ଷତି ନ ହୋଇଥିବାର ସୂଚନା ମିଳିଛି । ଅନ୍ୟପକ୍ଷରେ ଭାରତ ପକ୍ଷରୁ ଏହାର ଦୃଢ ଜବାବ ଦିଆଯାଇଛି । ଅନେକ ସମୟରେ ପାକିସ୍ତାନ ପକ୍ଷରୁ ବିନା କାରଣରେ ଅସ୍ତ୍ରବିରତି ଉଲ୍ଲଂଘନ କରାଯାଉଛି । ଯାହା ସୀମା ନିକଟବର୍ତ୍ତୀ ଲୋକଙ୍କ ପାଇଁ ଚିନ୍ତାର କାରଣ ପାଲଟୁଛି ।
@ANI
