ମୁମ୍ବାଇ: ଅନେକ କଟକଣା ପରେ ବି କମିବାରେ ନାଁ ନେଉନି ଚୋରା ଗଞ୍ଜେଇ କାରବାର । ଚୋରାରେ ଗଞ୍ଜେଇ ଚାଲାଣ କରି ବନ୍ଧା ହେଲେ ମହିଳା । ପୁରୁଷ ବନ୍ଧୁଙ୍କ ସହ ଗଞ୍ଜେଇ ଚାଲାଣ କରି ଫସି ଗଲେ ମହିଳା । 10ଲକ୍ଷ ଟଙ୍କାର ଗଞ୍ଜେଇ ସହ ଜଣେ ମହିଳାଙ୍କୁ ଗିରଫ କରିଛି ମୁମ୍ବାଇ ପୋଲିସ ।
ସୂଚନାଅନୁସାରେ, ମୁମ୍ବାଇର ଜେଜେ ଜଙ୍କସନରେ ପୋଲିସ ନିୟମିତ ଯାଞ୍ଚ ଚଳାଇଥିଲା । ଏହି ସମୟରେ ଜଣେ ବ୍ୟକ୍ତି ଓ ମହିଳା ଗୋଟିଏ ଟ୍ୟାକ୍ସିରେ ଯାଉଥିବା ବେଳେ ପୋଲିସ ତାଙ୍କ ଗାଡି ଯାଞ୍ଚ କରିଥିଲା । ଯାଞ୍ଚରେ ଗାଡିରୁ ତିନୋଟି ବ୍ୟାଗରେ ଭର୍ତ୍ତି ବେଆଇନ ଭାବେ ଚାଲାଣ ହେଉଥିବା 10 ଲକ୍ଷ ମୂଲ୍ୟର ଗଞ୍ଜେଇ ଜବତ କରିବା ସହ ଦୁଇଜଣଙ୍କୁ କାବୁ କରିଥିଲା ପୋଲିସ । କୌଶଳ କ୍ରମେ ଘଟଣାସ୍ଥଳରୁ ମହିଳାଙ୍କ ପୁରୁଷ ବନ୍ଧୁ ଫେରାର ହୋଇଯାଇଥିଲେ । ଘଟଣାରେ ମହିଳାଜଣଙ୍କୁ ପୋଲିସ କାବୁ କରି ପଚରାଉଚରା ଜାରି ରଖିଛି ।
ତେବେ ମୁମ୍ବାଇରେ ଆସନ୍ତା 5ତାରିଖ ଯାଏଁ ରାତି 11ଟାରୁ ସକାଳ 6 ଯାଏଁ ରାତ୍ରୀକାଳିନ କର୍ଫ୍ୟୁ ବଳବତ୍ତର ରହିଛି । ନୂତନ ବର୍ଷକୁ ଦୃଷ୍ଟିରେ ରଖି ସୁରକ୍ଷା ବ୍ୟବସ୍ଥାକୁ ବଜାୟ ରଖିବା ପାଇଁ ପ୍ରାୟ 35,000 ହଜାର ପୋଲିସ ଯାଞ୍ଚ ବ୍ୟବସ୍ଥାରେ ନିୟୋଜିତ ରହିବେ । ଯେଉଁମାନେ କୋଭିଡ ନିୟମ ଉଲ୍ଲଂଘନ କରୁଛନ୍ତି ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଜଣେ ପୋଲିସ ଅଧିକାରୀ କହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
