ଲକ୍ଷ୍ନୌ: ବିଶ୍ବ ହିନ୍ଦୁ ମହାସଭାର ରାଜ୍ୟ ଅଧ୍ୟକ୍ଷ ରଞ୍ଜିତ ବଚ୍ଚନଙ୍କୁ ଗଲା ରବିବାର ଦିନ ଦ୍ବିପ୍ରହରେ ବିଚ୍ ରାସ୍ତାରେ ଗୁଳି କରି ହତ୍ୟା କରାଯାଇଥିଲା । ଏହି ମାମଲାରେ ପୋଲିସକୁ ବଡ ସଫଳତା । ମୁମ୍ବାଇରୁ ସାର୍ପ ସୁଟରକୁ ଗିରଫ କରିଛି ପୋଲିସ । ଗୁରୁବାର ଲକ୍ଷ୍ନୌ ପୋଲିସ ସାର୍ପ ସୁଟରକୁ ଗିରଫ କରି ଲକ୍ଷ୍ନୌ ଆଣିବ । ହତ୍ୟା କାଣ୍ଡ ଭିଆଇବା ପରେ ସୁଟର ମୁମ୍ବାଇ ପଳାଇ ଯାଇଥିବା ସୂଚନା ରହିଥିଲା ।
ସୂଚନା ଅନୁସାରେ, ରବିବାର ରଞ୍ଜିତ ପ୍ରାତଃ ଭ୍ରମଣରେ ଯାଇଥିଲେ। ଏହି ସମୟରେ କିଛି ଦୁର୍ବୃତ୍ତ ବାଇକରେ ଆସି ତାଙ୍କ ଉପରକୁ ଲଗାତର ଗୁଳି ଚଳାଇଥିଲେ। ଗୁଳି ବାଜିବା କାରଣରୁ ରଞ୍ଜିତଙ୍କର ଘଟଣାସ୍ଥଳରେ ହିଁ ମୃତ୍ୟୁ ଘଟିଥିଲା ।
ରଞ୍ଜିତ ବଚ୍ଚନଙ୍କୁ ସିଡିଆରଆଇ(ସେଣ୍ଟ୍ରାଲ ଡ୍ରଗ୍ ରିସର୍ଚ୍ଚ ଇନ୍ଷ୍ଟିଚ୍ୟୁଟ୍) ନିକଟରେ ହତ୍ୟା କରାଯାଇଥିଲା । ଘଟଣାସ୍ଥଳରୁ ଫେରାର୍ ଥିବା ଅଭିଯୁକ୍ତଙ୍କୁ ଧରିବା ପାଇଁ ପୁଲିସର ୬ଟି ଟିମ୍ ଓ କ୍ରାଇମ୍ବ୍ରାଞ୍ଚ ପ୍ରୟାସ ଚଳାଇଛନ୍ତି ।
