ମୁମ୍ବାଇ: ମହାମାରୀ କୋରୋନାର ବଳୟରେ ବିଶ୍ବ । ଦିନକୁ ଦିନ ଭାରତରେ ମଧ୍ୟ ଏହାର ସଂକ୍ରମିତଙ୍କ ସଂଖ୍ୟା ଲଗାତାର ବଢିବାରେ ଲାହିଛି । କୋରୋନା ଆତଙ୍କରେ ଥରହର ଏସିଆର ସବୁଠାରୁ ବଡ ବସ୍ତି ଧାରାବୀ । ଦିନକୁ ଦିନ ଏଠାରେ ସଂକ୍ରମିତଙ୍କ ସଂଖ୍ୟା ବଢିବାରେ ଲାଗିଛି । ଧାରାବୀରେ କୋରୋନା ନିଜ କାୟା ବିସ୍ତାର କରିଛି । ଏଠାରେ ଆହୁରି 24ଟି ନୂତନ କୋରୋନା ପଜିଟିଭ ମାମଲା ସାମ୍ନାକୁ ଆସିଛି ।
ଏହାସହ ଧରାବୀରେ ଏବେ ଯାଏଁ ମୋଟ 214ଟି କୋରୋନା ପଜିଟିଭ ସ୍ପଷ୍ଟ ହୋଇଛି । ଏଥିରୁ 13 ଜଣଙ୍କର ମୃତ୍ୟୁ ହୋଇଥିବା ବ୍ରିହନ ମୁମ୍ବାଇ ପୌରପରିଷଦ ସୂଚନା ଦେଇଛି । ତେବେ ଧାରାବୀ ବସ୍ତିରେ ସଂକ୍ରମଣ ରୋକିବା ପୋଲିସ ଓ ପ୍ରଶାସନ ପାଇଁ ଏକ ବଡ ଚ୍ୟାଲେଞ୍ଜ । କାରଣ ଏଠାରେ ଅନେକ ଲୋକ ଶ୍ରମିକ ଭାବେ ବାହାର ରାଜ୍ୟରେ କାମ କରନ୍ତି । ସେମାନେ ଫେରିବା ଫଳରେ ବସ୍ତିରେ ସଂକ୍ରମଣ ବଢିବାରେ ଲାଗିଛି । ଏହାସହ ଏତେ ବଡ ବସ୍ତିରେ ସଂକ୍ରମଣ ରୋକିବା ପ୍ରଶାସନ ପାଇଁ କାଠିକାର ପାଠ ପାଲଟିଛି ।
@ANI
