ଭୋପାଳ: କଂଗ୍ରେସ ନେତା ଦିଗବିଜୟ ସିଂ ଆଜି(ରବିବାର) ଭୋପାଳରେ ଏକ ଅନଲାଇନ୍ ସାମ୍ବାଦିକ ସମ୍ମିଳନୀ କରିଛନ୍ତି। ଏହି ସମୟରେ ସେ କଂଗ୍ରେସ ଛାଡିଥିବା ଜ୍ୟୋତିରାଦିତ୍ୟ ସିନ୍ଧିଆଙ୍କୁ ଚେତାବନୀ ଦେଇ କହିଛନ୍ତି ଯେ କଂଗ୍ରେସରେ ସେ ଯେପରି ସମ୍ମାନ ପାଇଛନ୍ତି ସେମିତି ବିଜେପିରେ ସମ୍ମାନ ଓ ଦାୟିତ୍ବ ପାଇବେ ନାହିଁ। ଦିଗବିଜୟ କହିଛନ୍ତି ଯେ ସିନ୍ଧିଆ ତାଙ୍କ ପୁଅ ପରି। ସେ କହିଛନ୍ତି, ‘ଦଳ ଛାଡିଥିବାରୁ ମୁଁ ଦୁଃଖିତ, କିନ୍ତୁ ସେ ଯେଉଁ ଦଳରେ ଯୋଗ ଦେଇଛନ୍ତି ତାକୁ ନେଇ ମୁଁ ବେଶୀ ଦୁଃଖିତ ’ । ବୋଧହୁଏ ତାଙ୍କୁ ପ୍ରଧାନମନ୍ତ୍ରୀ ମୋଦିଙ୍କ କ୍ୟାବିନେଟରେ ଯୋଗଦେବାକୁ ତତ୍ପର ଥିଲେ ବୋଲି ସେ କହିଛନ୍ତି ।
ଦିଗବିଜୟ ସିଂ ଦୃଢୋକ୍ତି ପ୍ରକାଶ କରିଛନ୍ତି, ‘ଯେତେବେଳେ ସିନ୍ଧିଆ କଂଗ୍ରେସରେ ଥିଲେ ସେ ମୁରୈନା ଠାରୁ ମନ୍ଦସୌର ପର୍ଯ୍ୟନ୍ତ କର୍ମକର୍ତ୍ତାକୁ ନିଯୁକ୍ତ କରୁଥିଲେ କିନ୍ତୁ ତାହା ବର୍ତ୍ତମାନ ଘଟିବ ନାହିଁ କାରଣ ବିଜେପିର ୟୁନିଅନରେ ରାଜନେତା ନାହାଁନ୍ତି ଓ ଆଗାମୀ ଦିନରେ ଦଳ ତଥା ସରକାରରେ ସେ ଏହା କରିପାରିବେ ନାହିଁ। ମୁଁ ଭାବୁନାହିଁ ଯେ ତାଙ୍କୁ କୌଣସି ପଦବୀ କିମ୍ବା ସମ୍ମାନ ପାଇବେ ’।
କଂଗ୍ରେସରୁ ରାଜ୍ୟସଭା ନିର୍ବାଚନରେ ପ୍ରତିଦ୍ବନ୍ଦ୍ବିତା କରୁଥିବା ଦିଗବିଜୟ କହିଛନ୍ତି, ଗୁଜୁରାଟରେ ଯେପରି କଂଗ୍ରେସ ବିଧାୟକଙ୍କୁ କିଣା ଗଲା ସେପରି ମଧ୍ୟପ୍ରଦେଶରେ ହେବନି କାରଣ ଆମ ରାଜ୍ୟରେ ବିଧାୟକଙ୍କ ପ୍ରତି ଲୋଭ ନାହିଁ । ଆଗାମୀ ଦିନରେ ରାଜ୍ୟରେ 24 ଟି ବିଧାନସଭା ପାଇଁ ଉପ-ନିର୍ବାଚନ ଅନୁଷ୍ଠିତ ହେବ ବୋଲି ଦିଗବିଜୟ କହିଛନ୍ତି।
ପୂର୍ବତନ ମୁଖ୍ୟମନ୍ତ୍ରୀ କମଲ ନାଥଙ୍କ ସହ ତାଙ୍କର ସମ୍ପର୍କ ବିଷୟରେ ଦିଗବିଜୟ କହିଛନ୍ତି ଯେ ତାଙ୍କ ସମ୍ପର୍କ 40 ବର୍ଷ ପୁରୁଣା। କମଲ ନାଥ ତାଙ୍କ ବନ୍ଧୁ ଓ ଭାଇଙ୍କ ପରି। ଅନେକ ଲୋକ ଆମ ଦୁହିଁଙ୍କ ମଧ୍ୟରେ ମତଭେଦ ସୃଷ୍ଟି କରିବାକୁ ଚେଷ୍ଟା କରିଛନ୍ତି । ଆମ ମଧ୍ୟରେ କୌଣସି ଯୋଗାଯୋଗ ବ୍ୟବଧାନ ନାହିଁ ବୋଲି ସେ କହିଛନ୍ତି ।
