ନୂଆଦିଲ୍ଲୀ: ଭଙ୍ଗହେଲା 16ତମ ଲୋକସଭା । କେନ୍ଦ୍ର ମନ୍ତ୍ରିମଣ୍ଡଳର ପରାମର୍ଶ କ୍ରମେ ରାଷ୍ଟ୍ରପତି ରାମନାଥ କୋବିନ୍ଦ ଲୋକସଭା ଭଙ୍ଗ କରିବାକୁ ମଞ୍ଜୁରୀ ଦେଇଛନ୍ତି । ସେପଟେ ମୁଖ୍ୟ ନିର୍ବାଚନ ଅଧିକାରୀ ସୁନୀଲ ଅରୋରା 2019 ଲୋକସଭାରେ ବିଜୟ ହାସଲ କରିଥିବା ପ୍ରାର୍ଥୀଙ୍କ ସୂଚୀ ରାଷ୍ଟ୍ରପତିଙ୍କୁ ହସ୍ତାନ୍ତର କରିଛନ୍ତି ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ କେନ୍ଦ୍ରମନ୍ତ୍ରୀ ପରିଷଦ ଶୁକ୍ରବାର ରାଷ୍ଟ୍ରପତି ରାମନାଥ କୋବିନ୍ଦଙ୍କୁ ସାମୂହିକ ଇସ୍ତଫା ଦେଇଥିଲେ । ରାଷ୍ଟ୍ରପତି ପ୍ରଧାନମନ୍ତ୍ରୀ ସମେତ ମନ୍ତ୍ରୀ ପରିଷଦର ଇସ୍ତଫା ସ୍ବୀକାର କରିବା ସହ ନୂଆ ସରକାର ଗଠନ କରିବାର ଅନୁମତି ଦେଇଛନ୍ତି ।
ସୂଚନା ଯୋଗ୍ୟ ଯେ, 16ତମ ଲୋକସଭା ନିର୍ବାଚନର କାର୍ଯ୍ୟକାଳ 3 ଜୁନରେ ସମାପ୍ତ ହେବ । ତେଣୁ ଏହା ପୂର୍ବରୁ 17ତମ ଲୋକସଭା ଗଠନ କରାଯିବ ।
