ଭୁବନେଶ୍ବର: ଓଡିଆ ପୁଅ ଅଂଶୁମାନ କାମିଲା ହେଲେ ଇଣ୍ଡିଆନ ଇକୋନୋମିକ୍ ସର୍ଭିସ(ଆଇଇଏସ) ଟପ୍ପର । ଆଇଇଏସ 2019 ପରୀକ୍ଷାରେ ଯୋଗ୍ୟ ବିବେଚିତ ୩୨ ଜଣଙ୍କ ମଧ୍ୟରୁ ସେ ସର୍ବାଧିକ ନମ୍ବର ରଖି ପ୍ରଥମ ସ୍ଥାନ ଅଧିକାର କରିଛନ୍ତି ।
ଅଂଶୁମାନ ପୂର୍ବତନ ପୋଷ୍ଟମାଷ୍ଟର ଜେନେରାଲ ସନ୍ତୋଷ କାମିଲା ଓ ଲବ୍ଧ ପ୍ରତିଷ୍ଠିତ ଗାୟିକା ମିତାଲି ଚିନାରାଙ୍କ ପୁଅ । ଚନ୍ଦ୍ରଶେଖରପୁର ଡିଏଭିରେ ପାଠ ପଢ଼ିବା ପରେ ଅଂଶୁମାନ ଦିଲ୍ଲୀର ସେଣ୍ଟ ଷ୍ଟିଫେନ୍ସ କଲେଜରେ ଇକୋନୋମିକ୍ସରେ ସ୍ନାତକ ଡିଗ୍ରୀ ହାସଲ କରିଥିଲେ । ଏହା ପରେ ସେ ଦିଲ୍ଲୀ ସ୍କୁଲ ଅଫ ଇକୋନୋମିକ୍ସରେ ଏମଏ କରି ଜେଏନୟୁରେ ଏମଫିଲ କରିଥିଲେ । ତେବେ ରିଜର୍ଭ ବ୍ୟାଙ୍କ ଅଫ ଇଣ୍ଡିଆରେ ମ୍ୟାନେଜର ଥିବା ଅଂଶୁମାନ ଆଇଇଏସ ଟପ୍ପର ହୋଇ ଓଡ଼ିଶା ପାଇଁ ଗୌରବ ଆଣିଛନ୍ତି ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
