ପାଟନା: ଦେଶ ବିରୋଧୀ ଭାଷଣ ଦେଇଥିବା ଜେଏନୟୁର ପୂର୍ବତନ ଛାତ୍ର ଶରଜିଲ ଇମାମ ଗିରଫ ହୋଇଥିବା ନେଇ ସୂଚନା ମିଳିଛି । ବିହାରର ଜାହାନାବାଦରୁ ଶରଜିଲକୁ ଗିରଫ କରିଛି ଦିଲ୍ଲୀ ପୋଲିସ । ଇମାମକୁ ଦେଶଦ୍ରୋହ ମାମଲାରେ ଗିରଫ କରାଯାଇଛି । ଦିଲ୍ଲୀ ଶାହିନବାଗ ପ୍ରଦର୍ଶନରେ ଉତ୍ତେଜନାମୂଳକ ଭାଷଣ ଦେଇଥିଲେ ଛାତ୍ର ଶରଜିଲ ଇମାମ ।
ଶାହିନବାଗରେ ଦେଶ ବିରୋଧୀ ବୟାନ ଦେଇଥିବା ଶରଜିଲଙ୍କ ବିରୋଧରେ ପୋଲିସ ମାମଲା ରୁଜ୍ଜୁ କରିଥିଲା । ଏ ନେଇ ବିହାର ଓ ଉତ୍ତରପ୍ରଦେଶ ସମେତ 4 ରାଜ୍ୟର ପୋଲିସ ଇମାମଙ୍କୁ ଖୋଜୁଥିଲା । ଏହା ମଧ୍ୟରେ ସୋମବାର ଶରଜିଲର ସାନ ଭାଇ ମୁଜମ୍ମିଲ ଇମାମଙ୍କ ସମେତ ଅନ୍ୟ ୨ଜଣଙ୍କୁ ଗିରଫ କରି ପଚରାଉଚୁରା ଜାରି ରଖିଥିଲା ପୋଲିସ। ତେବେ ମଙ୍ଗଳବାର ଶରଜିଲକୁ ଗିରଫ କରାଯାଇଛି । ଆସାମକୁ ଭାରତରୁ ଅଲଗା କରିବା ପାଇଁ ନିଜ ଭାଷଣରେ କହିଥିଲା ଶରଜିଲ ।
