ଭୋପାଳ: କୋରୋନା କାଳରେ ମଧ୍ୟପ୍ରଦେଶ ରାଜନୀତିରେ ଜାରି ରହିଛି ବୟାନବାଜି । ଏହିକ୍ରମରେ କାହାର ନାମ ନନେଇ କଟାକ୍ଷ କରିଛନ୍ତି ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ତଥା ରାଜ୍ୟ କଂଗ୍ରେସ ସଭାପତି କମଲ ନାଥ । ପୂର୍ବତନ କେନ୍ଦ୍ର ମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆଙ୍କ ଉପରେ ବର୍ଷିଛନ୍ତି କମଳ ନାଥ । ସେ କହିଛନ୍ତି, 'ମୁଁ ନା ଟାଇଗର କିମ୍ବା ନା ମୁଁ କେବେ ଚା ବିକ୍ରି କରିଛି ।
ରତଲାମ ଜିଲ୍ଲାର ସାଇଲାନା ଠାରେ ପ୍ରଭୁ ଦୟାଲ ଗେହଲଟଙ୍କ ପ୍ରତିମୂର୍ତ୍ତିର ଉଦଘାଟନୀ ସମାରୋହରେ ଯୋଗ ଦେବା ଅବସରରେ କମଲ ନାଥ ନିଜ ଶୈଳୀରେ ପ୍ରତିକ୍ରିୟା ଦେଇଛନ୍ତି। ସେ କହିଛନ୍ତି, "ମୁଁ ମହାରାଜା ନୁହେଁ, ମୁଁ ମାମୁଁ ନୁହଁ, ମୁଁ କେବେ ଚା ବିକ୍ରି କରି ନାହିଁ, ମୁଁ କେବଳ କମଲ ନାଥ । ଅନେକ ଲୋକ କୁହନ୍ତି, ମୁଁ ନା ଟାଇଗର, ନା ପେପର ଟାଇଗର । ବର୍ତ୍ତମାନ କିଏ କଣ ତାହା ରାଜ୍ୟର ଜନତା ନିଷ୍ପତ୍ତି ନେବେ ।
ଏଠାରେ ସୂଚନା ଯୋଗ୍ୟ ଯେ, ଜ୍ୟୋତିରାଦିତ୍ୟ ସିନ୍ଧିଆ ଗୋଟିଏ ଦିନ ପୂର୍ବରୁ ପୂର୍ବତନ ମୁଖ୍ୟମନ୍ତ୍ରୀ କମଲ ନାଥ ଏବଂ ଦିଗବିଜୟ ସିଂଙ୍କ ଉପରେ ବର୍ଷିଥିଲେ । ସେ କହିଥିଲେ , "ଟାଇଗର ଅଭି ଜିନ୍ଦା ହୈ" । କମଲ ନାଥ ଏବଂ ଦିଗବିଜୟ ସିଂ ଶୁଣି ରଖ ଟାଇଗର ଅଭି ଜିନ୍ଦା ହୈ ।
କମଲ ନାଥ ମଧ୍ୟ ଶିବରାଜ ସିଂ ଚୈହାନଙ୍କ ଉପରେ ମଧ୍ୟ ଏହି ସଭାରେ ସମାଲୋଚନା କରିଛନ୍ତି । ସେ କହିଛନ୍ତି, "ବର୍ତ୍ତମାନ ଚୌହାନ ପୁନର୍ବାର ବିଭିନ୍ନ ଘୋଷଣା କରିବେ । ସେହି ସମୟରେ ଫଟୋ ରାଜନୀତି ଆରମ୍ଭ ହେବ । ରାଜ୍ୟର ଯୁବକମାନଙ୍କୁ ଏହି ଫଟୋର ରାଜନୀତି ବୁଝିବାକୁ ପଡିବ ।
ଏଥି ସହିତ, ପୂର୍ବତନ ପ୍ରଦେଶ କଂଗ୍ରେସ ସଭାପତି ତଥା ପୂର୍ବତନ କେନ୍ଦ୍ରମନ୍ତ୍ରୀ ଅରୁଣ ଯାଦବ ମଧ୍ୟ ସିନ୍ଧିଆଙ୍କ ବିବୃତ୍ତିକୁ କଟାକ୍ଷ କରିଛନ୍ତି । ସେ କହିଥିଲେ, "ଗୋଟିଏ ବାଘ (ଶିବରାଜ) ପୂର୍ବରୁ ଥିଲେ, ଆଉ ଏକ ବାଘ (ସିନ୍ଧିଆ) ଜନ୍ମ ହେଲେ । ଏବଂ ଆପଣ ଜନସେବକ ନା ନରଭକ୍ଷକ ବୋଲି କହିଛନ୍ତି ।
@IANS
