ନୂଆଦିଲ୍ଲୀ: କୋରୋନାକୁ ନେଇ ପ୍ରସାର ହେଉଥିବା ମିଥ୍ୟା ଗୁଜବକୁ ବିଶ୍ବ ସ୍ବାସ୍ଥ୍ୟ ସଙ୍ଗଠନ(WHO)ର ଖଣ୍ଡନ । ନୋଭେଲ କୋରୋନା ବା କୋଭିଡ-19 ବାୟୁବାହିତ ନୁହେଁ ବୋଲି ସ୍ପଷ୍ଟ କରିଦେଇଛି WHO ।
WHOର ଆଞ୍ଚଳିକ ନିର୍ଦ୍ଦେଶକ ପୁନମ କ୍ଷେତ୍ରପାଳ କହିଛନ୍ତି, ଏ ପର୍ଯ୍ୟନ୍ତ କୌଣସି ରିପୋର୍ଟ ଆସିନାହିଁ ଯେ କୋରୋନା ବାୟୁବାହିତ ରୋଗ । ବର୍ତ୍ତମାନ ସୁଦ୍ଧା କୋରୋନାକୁ ନେଇ ଯେତିକି ପରୀକ୍ଷା କରାଯାଇଛି ତାହା କେବଳ ଥଣ୍ଡା,କାଶ କିମ୍ବା ଜ୍ବର ବ୍ୟକ୍ତିଙ୍କ ସଂସ୍ପର୍ଶରେ ଆସିବା ଦ୍ବାରା ହିଁ ହୋଇଥାଏ ବୋଲି ଜଣାପଡିଛି ।
ଚୀନ ଅଧିକାରୀଙ୍କ ଅନୁୟାୟୀ, କୋରୋନା ବାୟୁବାହିତ ହେବାର ସମ୍ଭାବନା ରହିଛି । ହେଲେ ଏହା ହସ୍ପିଟାଲର ଆଇସିୟୁ, ସିସିୟୁ ଭଳି ସ୍ଥାନରେ ସଂକ୍ରମିତ ହେବାର ସମ୍ଭାବନା ରଖୁଛି । କିନ୍ତୁ ଏ ଦିଗରେ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ । ତେବେ ବିଶ୍ବ ସ୍ବାସ୍ଥ୍ୟ ସଙ୍ଗଠନ ପକ୍ଷରୁ କୁହାଯାଇଛି ହାତକୁ ବାରମ୍ବାର ଧୋଇବା ସହ ନିଶ୍ବାସ ପ୍ରଶ୍ବାସକୁ ସ୍ବଚ୍ଛ ରଖିବାକୁ ।
ସୌଜନ୍ୟ:@ANI
