ଭୁବନେଶ୍ବର: ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଗସ୍ତରୁ ଭାରତର କୌଣସି ଲାଭ ହେବ ନାହିଁ ବୋଲି କହିଛନ୍ତି । ବିଜେପି ସାଂସଦ ସୁବ୍ରମଣ୍ୟମ ସ୍ବାମୀ ଓ ସିପିଆଇ ମହାସଚିବ ସୀତାରାମ ୟେଚୁରୀ ଦୁଇ ନେତା ଗତକାଲି ଭୁବନେଶ୍ବରରେ ଏକ କାର୍ଯ୍ୟକ୍ରମରେ ଯୋଗଦେବା ଅବସରରେ ଏହା ପ୍ରକାଶ କରିଛନ୍ତି ।
ରାଜ୍ୟସଭା ସାଂସଦ ସ୍ବାମୀ କହିଛନ୍ତି 'ଟ୍ରମ୍ପ ଆମର ନୁହେଁ ନିଜ ଦେଶର ଅର୍ଥବ୍ୟବସ୍ଥାର ବୃଦ୍ଧି ପାଇଁ ଆସୁଛନ୍ତି । ଏଥିପାଇଁ ଆମ ଦେଶର କୌଣସି ଲାଭ ହେବ ନାହିଁ '। ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଗସ୍ତରୁ ଭାରତର କୌଣସି ଲାଭ ହେବ ନାହିଁ ଏହାର ଉଦ୍ଦେଶ୍ୟ ଆମେରିକା ଅର୍ଥନୀତିକୁ ବୃଦ୍ଧି କରିବା । କିଛି ପ୍ରତିରକ୍ଷା ବୁଝାମଣା ହୋଇପାରେ । ଏହା ମଧ୍ୟ ସେମାନଙ୍କ ହିଁ ଫାଇଦା ମିଳିବ । ଆମେ ଅସ୍ତ୍ରଶସ୍ତ୍ର ପାଇଁ ପଇସା ଦେଉଛୁ ସେ ଆମକୁ ଖାଲିରେ ଦେଉନାହିଁ ।
ୟେଚୁରୀ ସଭାକୁ ସମ୍ବନ୍ଧିତ କରି କହିଥିଲେ ଆମେ ରାଷ୍ଟ୍ରପତି ଟ୍ରମ୍ପଙ୍କ ଯାତ୍ରାରେ ଚିନ୍ତିତ ବୋଲି ପ୍ରକାଶ କରିଛନ୍ତି । ଆସନ୍ତା 24 ଓ 25 ତାରିଖରେ ଦୁଇ ଦିନିଆ ଭାରତ ଗସ୍ତରେ ଆସୁଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ସେ ଅହମଦାବାଦର ମଟେରାସ୍ଥିତ ବିଶ୍ବର ସର୍ବବୃହତ କ୍ରିକେଟ ଷ୍ଟାଡିୟମରେ ସମ୍ବୋଧନ କରିବେ । ଏହା ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଡୋନାଲ୍ଡ ଟ୍ରମ୍ପ ମଧ୍ୟରେ ଥିବା ବନ୍ଧୁତା ପ୍ରସ୍ଫୁଟିତ ହେବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
