ନୂଆଦିଲ୍ଲୀ: ପଟିଆଲା ହାଉସ କୋର୍ଟ ଡେଥ ୱାରେଣ୍ଟ ଯାଚିକା ଖାରଜ କରିଛନ୍ତି । ଯଦି କାନୁନ ଦୋଷୀଙ୍କୁ ବଞ୍ଚିବା ପାଇଁ ସମୟ ଦେଉଛି, ତେବେ ସେମାନଙ୍କୁ ଫାଶୀରେ ଚଢାଇବା ପାପ ହେବ ବୋଲି କୋର୍ଟ ଶୁଣାଇଛି । ତେବେ ଏହାକୁ ନେଇ ନିର୍ଭୟାଙ୍କ ମାଆ ଦେଇଛନ୍ତି ବଡ ବୟାନ ।
ସେ କହିଛନ୍ତି, ଯଦି ଦୋଷୀକୁ ଦଣ୍ଡ ଦେବା ପାପ । ତେବେ ଜଣେ ଝିଅକୁ ଦୁଷ୍କର୍ମ ଓ ପରେ ହତ୍ୟା କରିବା ପୂଣ୍ୟ ହୋଇଥିବା ନେଇ ପ୍ରଶ୍ନ କରିଛନ୍ତି। ଯଦି ଦୋଷୀଙ୍କୁ ଫାଶୀ ନହୁଏ, ତେବେ ଦେଶରେ ଦୁଷ୍କର୍ମ ବଢିବ କିନ୍ତୁ ଦୋଷୀଙ୍କୁ କେବେ ଦଣ୍ଡ ମିଳିବ ନାହିଁ । ଦେଶବାସୀଙ୍କୁ ମୁଁ ଏତିକି କହି ରଖୁଛି ବୋଲି କହିଛନ୍ତି ନିର୍ଭୟାଙ୍କ ମାଆ ।
2012ରେ ରାଜଧାନୀ ଦିଲ୍ଲୀରେ ଘଟିଥିବା ନିର୍ଭୟା ଗଣଦୁଷ୍କର୍ମ ଓ ହତ୍ୟାର ଦୋଷୀଙ୍କୁ ଫାଶୀ ତାରିଖ ଘୁଞ୍ଚି ଘୁଞ୍ଚି ଯାଉଛି । ଆଉ ବର୍ତ୍ତମାନ ପଟିଆଲା ହାଉସ କୋର୍ଟ ଡେଥ ୱାରେଣ୍ଟ ପାଇଁ ଜାରି ହୋଇଥିବା ଯାଚିକା ମଧ୍ୟ ଖାରଜ କରିଛନ୍ତି । ଏହାକୁ ନେଇ ନିର୍ଭୟାଙ୍କ ମାଆ ଏପରି ମନ୍ତବ୍ୟ ରଖିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
