ନୂଆଦିଲ୍ଲୀ: ନିର୍ଭୟା ଗଣଦୁଷ୍କର୍ମ ଓ ହତ୍ୟା ଘଟଣାରେ ଗୁରୁତ୍ବପୂର୍ଣ୍ଣ ଶୁଣାଣି ହେବାକୁ ଯାଉଛି । 4 ଜଣ ଅଭିଯୁକ୍ତଙ୍କ ମଧ୍ୟରୁ ଜଣେ ଦୋଷୀର ପୁନର୍ବିଚାର ଯାଚିକା ଉପରେ ସୁପ୍ରମିକୋର୍ଟ ମଙ୍ଗଳବାର ଦିନ 2ଟାରେ ଶୁଣାଣି କରିବେ । ଅଭିଯୁକ୍ତ ଅକ୍ଷୟ କୁମାରଙ୍କ ଯାଚିକା ଉପରେ କୋର୍ଟର ତିନି ଜଣିଆ ଜଜଙ୍କ ଖଣ୍ଡପୀଠ ଶୁଣାଣି କରିବେ । ଅକ୍ଷୟକୁ ଟ୍ରାୟଲ କୋର୍ଟ ଫାଶୀ ଦଣ୍ଡାଦେଶ ଶୁଣାଇଛନ୍ତି ।
ଅଭିଯୁକ୍ତ ଅକ୍ଷୟ କୁମାର ଯାଚିକା ଦାଖଲ କରି ଫାଶୀ ଉପରେ ପୁନର୍ବିଚାର କରିବାକୁ କହିଛନ୍ତି । ଅନ୍ୟପକ୍ଷେ ନିର୍ଭୟାଙ୍କ ପରିବାର ବର୍ଗ ପଟିୟାଲା ହାଉସକୋର୍ଟରେ ନିଜ ଝିଅ ସହ ହୋଇଥିବା ଗଣଦୁଷ୍କର୍ମ ଓ ହତ୍ୟା ଘଟଣାରେ ଶୀଘ୍ର ଦୋଷୀଙ୍କୁ ଫାଶୀ ଦେବାକୁ ଦାବି କରିଛନ୍ତି । ନିର୍ଭୟାଙ୍କ ପରିବାର ଝିଅ ସହ ହୋଇଥିବା ଜଘନ୍ୟ ଅପରାଧର 7 ବର୍ଷ ପରେ ବି ଦୋଷୀଙ୍କୁ ଫାଶୀ ପାଇଁ ଅପେକ୍ଷା କରି ରହିଛନ୍ତି ।
