ନୂଆଦିଲ୍ଲୀ: ନିର୍ଭୟା ମାମଲାର ଦୋଷୀ ବିନୟ ଶର୍ମାର ଯାଚିକାକୁ ଦିଲ୍ଲୀର ପଟିଆଲା ହାଉସକୋର୍ଟ ଖାରଜ କରିଦେଇଛନ୍ତି । ତିହାର ଜେଲ ରିପୋର୍ଟ ଅନୁସାରେ ଦୋଷୀ ବିନୟ ଶର୍ମାର ମାନସିକ ସ୍ଥିତି ଠିକ ରହିଛି ବୋଲି କୋର୍ଟ କହିଛନ୍ତି । ତେବେ ମାନସିକ ସ୍ଥିତିକୁ ନେଇ ଚିକିତ୍ସାର ଆବଶ୍ୟକତା ନଥିବା କୋର୍ଟ ଦର୍ଶାଇଛନ୍ତି ।
ଦୋଷୀ ବିନୟର ସ୍ବାସ୍ଥ୍ୟାବସ୍ଥା ସମ୍ପୂର୍ଣ୍ଣ ଠିକ ଥିବା ଶୁଣାଣି ସମୟରେ ତିହାର ଜେଲ ପ୍ରଶାସନ ପକ୍ଷରୁ କୁହାଯାଇଥିଲା । କୋର୍ଟଙ୍କ ନିର୍ଦ୍ଦେଶକ୍ରମେ ସଠିକ ଚିକିତ୍ସା ହୋଇଛି । ବିନୟ ମାନସିକ ରୋଗୀ ନୁହେଁ । ଜେଲର ଡାକ୍ତର ଏହା ସ୍ପଷ୍ଟ କରିଛନ୍ତି ।
ଫାଶୀରୁ ବଞ୍ଚିବା ପାଇଁ ନିର୍ଭୟା ଦୋଷୀ ବାରମ୍ବାର ମିଛ ପ୍ରୟାସ କରିଚାଲିଛନ୍ତି । ହେଲେ ସେମାନଙ୍କ ଆଗରେ ସମସ୍ତ ରାସ୍ତା ବନ୍ଦ ହୋଇସାରିଛି । ତେବେ ନୂଆ ଡେଥ୍ ଓ୍ବାରେଣ୍ଟ ଅନୁସାରେ 4 ଦୋଷୀଙ୍କୁ ମାର୍ଚ୍ଚ 3ରେ ଫାଶୀ ଖୁଣ୍ଟରେ ଝୁଲାଯିବ ।
