ନୂଆଦିଲ୍ଲୀ: ନିର୍ଭୟା ମାମଲାରେ ଫାଶୀ ଦଣ୍ଡାଦେଶ ପାଇ ସାରିଥିବା ସମସ୍ତ ଦୋଷୀଙ୍କ ଆଗରେ ସବୁ ନ୍ୟାୟିକ ରାସ୍ତା ବନ୍ଦ ହୋଇସାରିଛି । ମଙ୍ଗଳବାର ସୁପ୍ରିମକୋର୍ଟ ଦୋଷୀ ବିନୟ ଏବଂ ମୁକେଶର କ୍ୟୁରୋଟିଭ୍ ପିଟିସନ ଖାରଜ କରିବା ପରେ ଫାଶୀରୁ ବଞ୍ଚିବା ପାଇଁ ଶେଷ ପ୍ରୟାସ ଆପଣାଇଛି ମୁକେଶ । ମୁକେଶ ରାଷ୍ଟ୍ରପତିଙ୍କ ପାଖରେ ରାଜକ୍ଷମା ଯାଚିକା ଦାଏର କରିଛି । ତେବେ ଏହି ମାମଲାର 4 ଜଣ ଦୋଷୀଙ୍କୁ 22 ଜାନୁଆରୀ ସକାଳ 7ଟାରେ ଫାଶୀ ଦିଆଯିବ ।
ଦୋଷୀ ମୁକେଶ ରାଷ୍ଟ୍ରପତିଙ୍କ ପାଖରେ ଦୟା ଆବେଦନ ଦାଏର କରିଥିବା ନେଇ ତିହାର ଜେଲ ପକ୍ଷରୁ ସୂଚନା ମିଳିଛି । ପୂର୍ବରୁ ମୁକେଶ ସମେତ ବିନୟ ଶର୍ମା ମଧ୍ୟ ସୁପ୍ରିମକୋର୍ଟରେ କ୍ୟୁରେଟିଭ ପିଟିସନ୍ ଦାଖଲ କରିଥିଲା । ଦୋଷୀ ବିନୟ ଶର୍ମା ଓ ମୁକେଶଙ୍କ ଦ୍ବାରା କରାଯାଇଥିବା ଆବେଦନର ଶୁଣାଣି କରି ପାଞ୍ଚ ଜଣିଆ ଖଣ୍ଡପୀଠ ଏହାକୁ ଖାରଜ କରିଛନ୍ତି ।
