ହାଇଦ୍ରାବାଦ: ଏଣିକି ଟ୍ବିଟରରୁ ଆପଣ ଚାହିଁଲେ ନିଜ ଟ୍ବିଟକୁ ସର୍ବସାଧାରଣଙ୍କଠାରୁ ଲୁଚାଇପାରିବେ । ଏନେଇ ଫିଚର ଫ୍ଲିଟକୁ ଭାରତରେ ପରୀକ୍ଷାମୂଳକ ଭାବେ ଲଞ୍ଚ କରିବା ପାଇଁ ଘୋଷଣା କରିଛି ଟ୍ବିଟର । ଏହି ଫିଚରର ବ୍ୟବହାରରେ ସିଲେକ୍ଟ କରିଥିବା ଯେକୌଣସି ଟ୍ବିଟ 24 ଘଣ୍ଟା ପାଇଁ ଲୁଚିଯିବା ସହ ଏହି ଟ୍ବିଟରେ କୌଣସି ରିଟ୍ବିଟ, ଲାଇକ ଓ କମେଣ୍ଟ ଦେଖାଯିବ ନାହିଁ ।
ସ୍ନାପଚାଟର ଷ୍ଟୋରୀ ଫିଚରରୁ ଅନୁପ୍ରାଣିତ ହୋଇ ଟ୍ବିଟର ଏହି ଫିଚର ଲଞ୍ଚ କରିଛି । ଯାହାକୁ ବର୍ତ୍ତମାନ ପର୍ଯ୍ୟାୟକ୍ରମେ ବ୍ରାଜିଲ ଓ ଇଟାଲୀରେ ପରୀକ୍ଷା କରାଯାଉଛି । ତେବେ ମଙ୍ଗଳବାରଠାରୁ ଏହା ଭାରତରେ ମଧ୍ୟ ପରୀକ୍ଷାମୂଳକ ଭାବେ ପର୍ଯ୍ୟାୟକ୍ରମେ ଲଞ୍ଚ ହେବ । ଉଭୟ ଆଇଓଏସ ଓ ଆଣ୍ଡ୍ରଏଡ ୟୁଜର୍ସ ଏହି ଫିଚର ପାଇପାରିବେ । ଏଥିପାଇଁ ୟୁଜର୍ସଙ୍କୁ ଲାଟେଷ୍ଟ ଭର୍ସନ ଟ୍ବିଟର ଅପଡେଟ କରିବାକୁ ହେବ ।
ଏନେଇ ଟ୍ବିଟର ଇଣ୍ଡିଆ କାର୍ଯ୍ୟକାରୀ ନିର୍ଦ୍ଦେଶକ କହିଛନ୍ତି କି ସେ ଭାରତରେ ଏହି ଫିଚର ରୋଲ ଆଉଟକୁ ନେଇ ବହୁତ ଆଶାବାଦୀ ଅଛନ୍ତି । ଏହି ଫିଚରକୁ ପରୀକ୍ଷା କରିବାରେ ବିଶ୍ବରେ ଭାରତ ତୃତୀୟ ଦେଶ । ତେବେ ଏହି ଫିଚର ଦ୍ବାରା ଭାରତୀୟ ୟୁଜର୍ସଙ୍କ ଉପରେ କ’ଣ ପ୍ରଭାବ ପଡିବ ତାହା ଦେଖିବାର ବିଷୟ । ସେ ଅଧିକ ସୂଚନା ଦେଇ କହିଛନ୍ତି କି, ଏହି ଫିଚର ସହାୟତାରେ କେବଳ ଟେକ୍ସଟ ନୁହେଁ ବରଂ ଭିଡିଓ, ଜିଫି ଓ ଫୋଟୋ ଆଦିକୁ ମଧ୍ୟ ଲୁଚାଇ ହେବ ।
ତେବେ ଫ୍ଲିଟ କ୍ରିଏଟ କରିବାକୁ ହେଲେ ନିଜ ପ୍ରୋଫାଇଲର ବାମ ପାର୍ଶ୍ବ ଉପରେ ଥିବା ଅଭତାରରେ କ୍ଲିକ କରନ୍ତୁ । ଏବେ ଇଚ୍ଛା ମୁତାବକ ଫଟୋ, ଭିଡିଓ କିମ୍ବା ଟେକ୍ସଟ ଲେଖିସାରିବା ପରେ ମିଡିଆରେ ଫ୍ଲିଟ ଅପ୍ସନ ଉପରେ କ୍ଲିକ କରନ୍ତୁ । ତଏହା କରିବା ଦ୍ବାରା ଆପଣ କ୍ରିଏଟ କରିଥିବା ଟ୍ବିଟ ଲୁଚି ରହିବ । ଅନ୍ୟପଟେ ନିଜ ପ୍ରୋଫାଇଲ ତଳେ ଥିବା ଫ୍ଲିଟ ଅପ୍ସନକୁ ଯାଇ ଆପଣ ଅନ୍ୟ ପ୍ରୋଫାଇଲରେ କେତୋଟି ଫ୍ଲିଟ ରହିଛି ତାହା ଦେଖିପାରିବେ ।
@IANS
