ହିନ୍ଦୁ ଧର୍ମରେ ପୂଜା, ଧ୍ୟାନ, ସ୍ନାନ ଏବଂ ଦାନର ବିଶେଷ ମହତ୍ୱ ରହିଛି। ଯେକୌଣସି ଧାର୍ମିକ ଅବସରରେ ଲୋକେ ଗରିବ ଏବଂ ଅସହାୟଙ୍କୁ ଦାନ ଦେଇଥାନ୍ତି। ଦାନ କରିବା ଦ୍ୱାରା ଭଗବାନଙ୍କ ବିଶେଷ କୃପା ପ୍ରାପ୍ତ ହୁଏ । ତେବେ ଅନେକ ସମୟରେ ଲୋକେ ଏପରି ବସ୍ତୁ ଦାନ କରି ଦିଅନ୍ତି ଯାହା କରିବା ଅନୁଚିତ ହୋଇଥାଏ। ଆସନ୍ତୁ ଜାଣିବା କେଉଁ ସବୁ ବସ୍ତୁକୁ ଦାନ କରିବା ଉଚିତ ନୁହେଁ।
ଝାଡୁ
ଝାଡୁକୁ କେବେ ମଧ୍ୟ ଦାନରେ ଦିଅନ୍ତୁ ନାହିଁ । କୁହାଯାଏ କି ଝାଡୁ ଦାନ କରିବା ଦ୍ବାରା ଲକ୍ଷ୍ମୀ ମାତା ଅସନ୍ତୁଷ୍ଟ ହୋଇଥାନ୍ତି । ଫଳରେ ବ୍ୟବସାୟରେ କ୍ଷତି ହୋଇଥାଏ ଏବଂ ଘରେ ଆର୍ଥିକ ସମସ୍ୟା ଦେଖା ଦେଇଥାଏ।
ବାସନକୁସନ
ବାସନକୁସନ ଦାନ ଦେବା ଅନୁଚିତ ବୋଲି ଶାସ୍ତ୍ରରେ ଉଲ୍ଲେଖ ରହିଛି । ଷ୍ଟିଲରେ ନିର୍ମିତ ବାସନକୁସନ ଦାନ ଦେବା ଦ୍ୱାରା ଘରେ ଅଶାନ୍ତି ସୃଷ୍ଟି ହୋଇଥାଏ।
ତେଲ
ତେଲ ଦାନ କରିବା ଦ୍ୱାରା ଶନିଦେବଙ୍କ କୃପା ମିଳିଥାଏ । କିନ୍ତୁ ଖରାପ କିମ୍ବା ବ୍ୟବହାର ହୋଇଥିବା ତେଲ ଦାନ କରିବା ଅନୁଚିତ । ଏହା ଦ୍ୱାରା ଶନିଦେବ ଅସନ୍ତୁଷ୍ଟ ହୋଇଥାନ୍ତି ।
ଖାଦ୍ୟ
ଭୋକିଲାକୁ ଖାଦ୍ୟ ଖୁଆଇବା ପୁଣ୍ୟର କାମ ହୋଇଥାଏ । କିନ୍ତୁ ବାସୀ ଖାଦ୍ୟ ଦାନ କରିବା ଅଶୁଭ ମନାଯାଏ । ଏହା ଦ୍ୱାରା ଘରେ ଅଶାନ୍ତି ସୃଷ୍ଟି ହୋଇଥାଏ।
ପ୍ଲାଷ୍ଟିକ
କାହାକୁ ପ୍ଲାଷ୍ଟିକ ଦାନ କରିବା ଉଚିତ ନୁହେଁ। ଏହା ଦ୍ୱାରା ଘରର ସୁଖ ସମୃଦ୍ଧି ହ୍ରାସ ହୋଇଥାଏ ।
