ଅମରାବତୀ: ମରିଗଲା ମାନବିକତା। ଗୋଟିଏ କି ଦୁଇଟି ନୁହେଁ ଏକାଥରେ 400 କୁକୁରଙ୍କୁ ବିଷ ଦେଇ ହତ୍ୟା କରାଯାଇଛି । ଆନ୍ଧ୍ରପ୍ରଦେଶର ପଶ୍ଚିମ ଗୋଦାବରୀ ଜିଲ୍ଲାରେ ଘଟିଛି ଏହି ଅମାନବୀୟ ଘଟଣା । ଚିନ୍ତଲାପୁଡି ପଞ୍ଚାୟତ ଅଧିକାରୀ ଏହି ନୃଶଂସ କାଣ୍ଡ କରିଥିବା ଜଣାପଡିଛି ।
ସୂଚନାନୁଯାୟୀ, ଏହି ପଞ୍ଚାୟତ ଅଧିକାରୀମାନେ ପାଖାପାଖି 400 ବୁଲା କୁକୁରଙ୍କୁ ମାରି ଡମ୍ପିଂ ୟାର୍ଡରେ ପୋତି ଦେଇଥିବା ଅଭିଯୋଗ କରିଥିଲେ ଚିଲ୍ଲାପଲ୍ଲୀ ଚାରିଟି । ଏହି ଚାରିଟିର କହିବାନୁଯାୟୀ ପଞ୍ଚାୟତ କର୍ମଚାରୀମାନେ ବୁଲା କୁକୁରଙ୍କୁ ସାଇନାଇଡ ଇଞ୍ଜେକସନ ଦେଇ ମାରିଦେଇଛନ୍ତି ।
ତେବେ ଅଭିଯୋଗ ପରେ ପଶୁ ସମ୍ପଦ ଅଧିକାରୀ ଚିନ୍ତଲାପୁଡି ଡମ୍ପି ୟାର୍ଡରେ ପହଞ୍ଚି ପୋତା ଯାଇଥିବା କୁକୁର ଗୁଡିକର ଅଂଶବିଶେଷକୁ ଏକତ୍ରିତ କରିଥିଲେ । ତଦନ୍ତ ପରେ ଜଣାପଡିଛି ଯେ ପଞ୍ଚାୟତ କର୍ମଚାରୀମାନେ ହିଁ ଏହି କୁକୁରମାନଙ୍କ ହତ୍ୟା କରିଛନ୍ତି । ତେବେ କାହିଁକି ପଞ୍ଚାୟତ କର୍ମଚାରୀମାନେ ଏପରି ଅମାନବୀୟ କାଣ୍ଡ ଭିଆଇଛନ୍ତି ଏନେଇ ସ୍ପଷ୍ଟ ଭାବରେ ଜଣାପଡି ନାହିଁ ।
