ପାଟନା: ବିହାରରେ ବିଧାନସଭା ନିର୍ବାଚନ ପାଇଁ ତାରିଖ ଘୋଷଣା ହୋଇଛି । ତିନୋଟ ପର୍ଯ୍ୟାୟରେ ହେବ ନିର୍ବାଚନ । ବିହାର ନିର୍ବାଚନରେ ଦୁଇଟି ମେଣ୍ଟ ମଧ୍ୟରେ ଜୋରାଦାର ଲଢେଇ ହେଉଛି ଯାହା ଏନିଡିଏ ଓ ୟୁପିଏ । ବର୍ତ୍ତମାନ ବିଭିନ୍ନ ରାଜନୈତିକ ଦଳରେ ସିଟ ଆବଣ୍ଟନକୁ ନେଇ ଚାଲିଛି ଜୋରଦାର ମନ୍ତ୍ରଣା । ଏହି ଅବସରରେ କେନ୍ଦ୍ରମନ୍ତ୍ରୀ ରବିଶଙ୍କର ପ୍ରସାଦ କହିଛନ୍ତି ବିହାରରେ ଏନଡିଏ ଏକତ୍ର ଅଛି ଏବଂ ନିର୍ବାଚନ ମଇଦାନରେ ମଧ୍ୟ ଏକତ୍ର ଭାବରେ ଲଢିବୁ ।
କେନ୍ଦ୍ରମନ୍ତ୍ରୀ ରବିଶଙ୍କର ପ୍ରସାଦ ଶୁକ୍ରବାର ପାଟନାରେ କହିଛନ୍ତି ଆମ ମେଣ୍ଟରେ ଯଦି କୌଣସି ସମସ୍ୟା ରହିଛି ତାହା ଆମେ ସମାଧାନ କରିବୁ । LJP ହେଉଛି କେନ୍ଦ୍ର ସରକାରଙ୍କ ଏକ ଅଂଶୀଦାର ଦଳ । ତାଙ୍କ ସହିତ ଆମେ ପୂର୍ବରୁ ମଧ୍ୟ ଏକତ୍ର ଭାବେ ନିର୍ବାଚନ ଲଢିଛୁ । ମୁଁ ଆଶା କରୁଛି ଆମେ ସମସ୍ତେ ମିଶି ଆଗାମୀ ନିର୍ବାଚନରେ ଲଢିବୁ ବୋଲି କେନ୍ଦ୍ରମନ୍ତ୍ରୀ ରବିଶଙ୍କର ପ୍ରସାଦ କହିଛନ୍ତି ।
ସୂଚନା ଥାଉକି ବିହାର ରାଜନୀତିରେ ଏନଡିଏ ମେଣ୍ଟରେ ଜେଡିୟୁ ସହ ବିଜେପି ଓ ଏଲଜେପି ମୁଖ୍ୟ ଦଳ ରହିଛନ୍ତି । ଦଳରେ ସିଟ ଆବଣ୍ଟନକୁ ନେଇ ଏଲଜେପି ଓ ଜେଡିୟୁ ମଧ୍ୟରେ ମନାନ୍ତର ସୃଷ୍ଟି ହୋଇଛି । ସିଟ ଆବଣ୍ଟନକୁ ନେଇ ଏଲଜେପି ଅଧ୍ୟକ୍ଷ ଚିରାଗ ପାଶୱାନ ଖୁସି ନଥିବା ଜଣାପଡିଛି । ଯାହାକୁ ନେଇ ବିହାର ରାଜନୀତିରେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି ।
@ANI
