ମୁମ୍ବାଇ: ପଶ୍ଚିମ ମହାରାଷ୍ଟ୍ର ଗଡରେ ଏନସିପିକୁ ଝଟକା । ପାର୍ଟିର ବରିଷ୍ଟ ବିଧାୟକ ଦିଲିପ ସୋପାଲ ଇସ୍ତଫା ଦେଇଛନ୍ତି । ସୋପାଲ ସୋଲାପୁରର ବରଷି ବିଧାନସଭା ଆସନରୁ ବିଧାୟକ ଥିବା ବେଳେ ମହାରାଷ୍ଟ୍ର ବିଧାନସଭା ବାଚସ୍ପତି ହରିବାହୁ ବଗଦେଙ୍କୁ ନିଜର ଇସ୍ତଫା ପତ୍ର ପ୍ରଦାନ କରିଛନ୍ତି ।
ଏନସିପିରୁ ଇସ୍ତଫା ଦେବା ପରେ ଦିଲିପ ବୁଧବାର ଶିବସେନାରେ ସାମିଲ ହେବାନେଇ ଜଣା ପଡିଛି । ନିକଟରେ କରମାଳାରେ ଏନସିପି ନେତା ରଶ୍ମୀ ବାଗଲ ଶିବସେନାରେ ସାମିଲ ହୋଇ ପାର୍ଟିକୁ ଝଟକା ଦେଇଥିଲେ ।
ଗୋଟିଏ ପରେ ଗୋଟିଏ ନେତାଙ୍କ ଇସ୍ତଫାରେ ଏନସିପିର ପାଓ୍ବାର ଧିରେ ଧିରେ କମି କମି ଯାଉଛି । ସୋପାଲଙ୍କ ଇସ୍ତଫା ପରେ ପଶ୍ଚିମ ମହାରାଷ୍ଟ୍ରରେ ଏନସିପିର ଗଡ ଭାବେ ପରିଚିତ ସୋଲାପୁରରେ ଏନସିପି ବିଲୁପ୍ତ ପ୍ରାୟ ନଜର ଆସୁଛି ।
