ରାୟପୁର: ଛତିଶଗଡ଼ରେ ମାଓବାଦୀ ବିଲୋପ ଅଭିଯାନର ଏକ ଅଂଶ ଭାବରେ ସୁକମା ପୋଲିସ ବିସ୍ଫୋରକ ସାମଗ୍ରୀ ଏବଂ 25 ହଜାର ନଗଦ ଟଙ୍କା ସହ ନକ୍ସଲ ସହଯୋଗୀଙ୍କୁ ଗିରଫ କରିଛି । ଅଭିଯୁକ୍ତଙ୍କ ନିକଟରୁ ବିପୁଳ ପରିମାଣର ବିସ୍ଫୋରକ ସାମଗ୍ରୀ ଉଦ୍ଧାର କରାଯାଇଛି । ମାଓବାଦୀମାନଙ୍କୁ ବେଆଇନ ଭାବେ ଯୋଗାଇ ଦିଆଯାଉଥିବା ଅଭିଯୋଗରେ ଡର୍ନାପାଲ ଥାନାରେ ଅଭିଯୁକ୍ତଙ୍କ ବିରୋଧରେ ଏଫଆଇଆର ଦାଖଲ କରାଯାଇଛି । ଏହାସହ ବାଇକ୍ ଏବଂ ବ୍ୟାଗରେ ରଖାଯାଇଥିବା କିଛି ମାଓ ସାମଗ୍ରୀ ମଧ୍ୟ ଜବତ କରାଯାଇଛି ।
ଶୁକ୍ରବାର ଡର୍ନାପାଲ ଥାନାରୁ ଡିଆରଜି କମାଣ୍ଡର ପ୍ରିନ୍ସିପାଲ କନଷ୍ଟେବଳ ନନ୍ଦା ମାର୍କାମ, ଡିଆରଜି ଡର୍ନାପାଲ ଏବଂ ଡିଆରଜି କୋଣ୍ଚାର ଫୋର୍ସ ମାଓବାଦୀଙ୍କ ଉପସ୍ଥିତି ସମ୍ପର୍କରେ ସୂଚନା ପାଇଁ ମେଡୱାହୀ ଏବଂ ତୋଙ୍ଗଗୁଡା ଗାଁକୁ ଅପରେସନ କରିବାକୁ ଯାଇଥିଲେ । ଏହି ସମୟରେ ଶନିବାର ଜଣେ ଅଜଣା ବ୍ୟକ୍ତି ଟୋଙ୍ଗଗୁଡା ଜଙ୍ଗଲ ନିକଟରେ ଏକ ବାଇକରେ ଦୁଇଟି ବ୍ୟାଗରେ କିଛି ସାମଗ୍ରୀ ନେଉଥିବାର ଦେଖାଯାଇଥିଲା । ଏହାକୁ ଦେଖି ପୋଲିସ ଅଟକାଇବାକୁ ଚେଷ୍ଟା କଲାବେଳେ ବ୍ୟକ୍ତି ଜଣକ ବାଇକ ଛାଡି ଦୌଡିବାକୁ ଚେଷ୍ଟା କରିଥିଲା । ହେଲେ ପୋଲିସ ତାକୁ ଧରିବାରେ ସଫଳ ହୋଇଥିଲା ।
ପୋଲିସ ଉକ୍ତ ବ୍ୟକ୍ତିକୁ ପଚରାଉଚୁରା କରିବା ସମୟରେ ତାର ମାଓବାଦୀଙ୍କ ସହ ସଂମ୍ପୃକ୍ତି ନେଇ ଜଣାପଡିଛି । ତେବେ ପୋଲିସ ଉକ୍ତ ବ୍ୟକ୍ତିଠାରୁ ବିପୁଳ ପରିମାଣରେ ଅସ୍ତ୍ରଶସ୍ତ୍ର ଜବତ କରିଛି । ଏହାସହ ତା ନିକଟରୁ 25000 ଟଙ୍କା ନଗଦ ଜବତ କରିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
