ମୁମ୍ବାଇ: ସାରା ଦେଶରେ କୋରୋନା ସଂକ୍ରମଣ ନେଇ ଲୋକେ ଆତଙ୍କିତ ରହିଛନ୍ତି । କିନ୍ତୁ ନିକଟରେ ଏପରି ଏକ ଭିଡିଓ ସାମନାକୁ ଆସିଛି ଯାହା ଦେଖିଲେ ଆପଣ ଆଶ୍ଚର୍ଯ୍ୟ ହେବେ । ନାଶିକ ମାଲେଗାଓଁର ଜଣେ 38 ବର୍ଷିୟ ବ୍ୟକ୍ତି ନିଜର ପାଟି ଏବଂ ନାକ ହାତରେ ଧରିଥିବା ଟଙ୍କାରେ ପୋଛୁଛନ୍ତି।
ତେବେ ଏହି ଭିଡିଓଟି ସୋସିଆଲ ମିଡିଆରେ ଭାଇରାଲ ହେବା ପରେ ଗିରଫ ହୋଇଛନ୍ତି ବ୍ୟକ୍ତି ଜଣକ । କାରଣ କୋରୋନା ସଂକ୍ରମଣ ରୋକିବା ପାଇଁ ଆମେ ଯଥା ସମ୍ଭବ ସ୍ବଚ୍ଛ ରହିବା ନେଇ ସରକାର ଘୋଷଣା କରିଛନ୍ତି । ହାତ,ନାକ ଏବଂ ମୁହଁରେ ହାତ ନଲାଗାଇବା । ଏହାସହ ଛେପ ଖଙ୍କାର ଆଦି ବାହାରେ ନପାଇବା ଭଳି ବାର୍ତ୍ତାଲୋକଙ୍କ ନିକଟରେ ପହଞ୍ଚାଯାଇଛି ।
କିନ୍ତୁ ଏହି ବ୍ୟକ୍ତି ଏସବୁ କଥା ନମାନି ପାଟିରୁ ଛେପ ଏବଂ ନାକ ଟଙ୍କାରେ ପୋଛୁଛନ୍ତି । ଫଳରେ ନିୟମ ଉଲ୍ଲଂଘନ ନେଇ ତାଙ୍କୁ ପୋଲିସ ଗିରଫ କରିଛି।ବର୍ତ୍ତମାନ ମହାରାଷ୍ଟ୍ରରେ ଆକ୍ରାନ୍ତଙ୍କ ସଂଖ୍ୟା 423 ଛୁଇଁଥିବା ବେଳେ ମୃତ୍ୟୁ ସଂଖ୍ୟା 19 ହେଲାଣି ।
