ନୂଆଦିଲ୍ଲୀ: ଓଡିଶାରେ ନୂଆ ମେଡିକାଲ କଲେଜ ପ୍ରସ୍ତାବ ନେଇ ରାଜ୍ୟସଭାରେ ପ୍ରଶ୍ନ କରିଛନ୍ତି ବିଜେଡି ଏନ. ସାଂସଦ ଭାସ୍କର ରାଓ । ତାଙ୍କର ଏହି ପ୍ରଶ୍ନର ଉତ୍ତର ରଖିଛନ୍ତି କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ହର୍ଷବର୍ଦ୍ଧନ । ଏନେଇ ମନ୍ତ୍ରୀ କହିଛନ୍ତି ଯେ, ମେଡିକାଲ କଲେଜ ନିର୍ମାଣ ଯୋଜନା ଅନର୍ଗତ ତିନୋଟି ପର୍ଯ୍ୟାୟ ରହିଛି । ପ୍ରଥମ ପର୍ଯ୍ୟାୟରେ ଯେଉଁ କଲେଜ ଥିଲେ ସେଥିପାଇଁ 189 କୋଟି ଦିଆଯାଉଥିଲା । ସେହିପରି ଦ୍ବିତୀୟ ପର୍ଯ୍ୟାୟ କଲେଜ ପାଇଁ 250 କୋଟି ଦିଆ ଯାଉଥିଲା । ତୃତୀୟ ପକ୍ଷ କଲେଜ ପାଇଁ 350 କୋଟି ଟଙ୍କା ଦିଆଯାଉଛି ।
ଅନ୍ୟପକ୍ଷରେ ଏ ପ୍ରସଙ୍ଗରେ ପ୍ରତିକ୍ରିୟା ରଖିଛନ୍ତି କଂଗ୍ରେସ ସାଂସଦ ଗୁଲାମ ନବୀ ଆଜାଦ । ପାଣ୍ଠି ମଞ୍ଜୁର ହୋଇଥିବା କଲେଜ ମଧ୍ୟରୁ 42ଟି ନିର୍ମାଣ ହୋଇସାରିଛି । ହେଲେ ଆର୍ଥିକ ଦୃଷ୍ଟିକୋଣରୁ ପଛୁଆ ରାଜ୍ୟରେ 16ଟି ମେଡିକାଲ କଲେଜ ତିଆରି ଚାଲିଛି । ନୂଆ ଯୋଜନା ଅନୁସାରେ ଗରିବ ପଛୁଆ ରାଜ୍ୟରେ ନିର୍ମାଣ ହେବାକୁ ଥିବା ମେଡିକାଲ କଲେଜ ପାଇଁ କେନ୍ଦ୍ର ସରକାର ଅତିରିକ୍ତ 60 କୋଟି ଟଙ୍କା ପ୍ରଦାନ କରନ୍ତୁ ବୋଲି ଗୁଲାମ ନବୀ ଆଜାଦ ଅନୁରୋଧ କରିଛନ୍ତି ।
