ନୂଆଦିଲ୍ଲୀ: ଅଯୋଧ୍ୟାର ରାମ ଜନ୍ମଭୂମି-ବାବ୍ରି ମସଜିଦ ଜମି ବିବାଦରେ ସୁପ୍ରିମକୋର୍ଟର ଚାଲିଥିବା ଶୁଣାଣୀ ଚତୁର୍ଥ ଦିନରେ ପହଞ୍ଚିଛି । ତେବେ ଏହି ପାଞ୍ଚ ଦିନିଆ ଶୁଣାଣୀକୁ ମୁସଲମାନଙ୍କ ପକ୍ଷରୁ ବିରୋଧ କରାଯାଇଛି । ଏହା ଦ୍ବାରା କିଛି ନିର୍ଣ୍ଣୟ ନିଆଯାଇ ପାରିବ ନାହିଁ ବୋଲି ସେମାନେ ମତ ଦେଇଛନ୍ତି।
ସୁପ୍ରିମକୋର୍ଟ ପାଞ୍ଚ ଦିନିଆ ଶୁଣାଣୀ କରୁଥିବା ବେଳେ ସମୟ କମ ଥିବାରୁ ପ୍ରସ୍ତୁତ ହୋଇ ନଥିବା ସେମାନଙ୍କ ପକ୍ଷରୁ କୁହାଯାଇଛି । ମୁଖ୍ୟ ବିଚାରପତି ରଞ୍ଜନ ଗୋଗୋଇଙ୍କ ନିକଟରେ ଏନେଇ ସେମାନେ ନିଜର ପକ୍ଷ ରଖିଛନ୍ତି। ଜମି ବିବାଦର ସମାଧାନ ପାଇଁ ଗଢାଯାଇଥିବା ମଧ୍ୟସ୍ଥତା କମିଟି ବିଫଳ ହୋଇଥିଲା । ପରେ ସୁପ୍ରିମକୋର୍ଟ ଏହାର 5 ଦିନିଆ ଶୁଣାଣୀ କରିବା ପାଇଁ ନିଷ୍ପତ୍ତି ନେଇଥିଲେ।
