ନୂଆଦିଲ୍ଲୀ: ଦେଶରେ ଏବେ ହିନ୍ଦୁ-ମୁସଲମାନଙ୍କୁ ନେଇ ସବୁଠି ବିବାଦୀୟ ଭାଷଣ, ପ୍ରବଚନ । ଗୀତା-କୋରାନକୁ ନେଇ ମାରପିଟ୍ । ଦେଶରେ ଅଲୀ-ବଜରଙ୍ଗବଲୀ, ହିନ୍ଦୁ- ମୁସଲିମ ବାଦବିବାଦ ଭିତରେ ଏମିତି ଏକ ଭାଇଚାରାର ଚିତ୍ର ସାମନାକୁ ଆସିଛି । ଏହାକୁୁ ଦେଖିଲେ ଧର୍ମ ନାମରେ ବେପାର କରୁଥିବା କିଛି ସ୍ବଘୋଷିତ ଧର୍ମଜ୍ଞ, ରାଜନେତାଙ୍କ ଆଖିରୁ ପରଦା ହଟିଯିବ । ବାଲ୍ ହନୁମାନଙ୍କୁ କାନ୍ଧରେ ବସାଇ ପ୍ରସାଦ ବାଣ୍ଟୁଛନ୍ତି ଜଣେ ମୁସଲିମ ଯୁବକ । ଯାହା ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ସୋସିଆଲ ମିଡିଆରେ ହିନ୍ଦୁ-ମୁସଲିମ ଏକତାର ଏକ ଅନନ୍ୟ ଉଦାହରଣ ପାଲଟିଛି ଏହି ଛବି । ଭାଇରାଲ ଫଟୋରେ ଜଣେ ମୁସଲିମ ଯୁବକ କାନ୍ଧରେ ବାଲ୍ ହନୁମାନଙ୍କୁ ବସାଇଛି । ଏହାସହ ଏକ ମନ୍ଦିର ସାମ୍ନାରେ ଲୋକଙ୍କୁ ପ୍ରସାଦ ବାଣ୍ଟୁଛନ୍ତି କାନ୍ଧରେ ବସିଥିବା ବାଲ୍ ହନୁମାନ । ଏହି ଛବିକୁ ସୋସିଆଲ ମିଡିଆରେ ବହୁତ ଲାଇକ୍ ଓ ସେୟାର କରାଯାଉଛି । ଏହା ପ୍ରସାଦ ନେଉଥିବା ଲୋକ କ୍ଷଣଙ୍କ ପାଇଁ ଏହି ଛବି ଦେଖି ତାଜୁବ ହୋଇଯାଉଥିଲେ ।
ଏହି ଅଲି-ବଜରଙ୍ଗବାଲୀ ଚିତ୍ର ସାମ୍ପ୍ରଦାୟିକ ସଦ୍ଭାବର ଏକ ଅଜବ ଉଦାହରଣ ବୋଲି କହୁଛନ୍ତି ଏହି ଫଟୋକୁ ଦେଖୁଥିବା ଲୋକେ ।
