ଭୋପାଳ: ମଧ୍ୟପ୍ରଦେଶରେ ବହୁଚର୍ଚ୍ଚିତ ହନିଟ୍ରାପ ମାମଲାର ଖୁଲାସା ସାମନାକୁ ଆସୁଛି ଅନେକ ତଥ୍ୟ । ଗିରଫ ହୋଇଥିବା ଅଭିଯୁକ୍ତ ଯୁବତୀ ଲିପଷ୍ଟିକ,ମୋବାଇଲ ଫୋନ ଏବଂ ସନଗ୍ଲାସରେ ସ୍ପାଇ କ୍ୟାମେରା ଲଗାଇଥିବା ଜଣାପଡିଛି । ମାମଲାର ତଦନ୍ତ କରୁଥିଲା ଏସଆଇଟି ।
ସେପ୍ଟେମ୍ବର ୧୮ ଏବଂ ୧୯ରେ ଇନ୍ଦୋର ଏବଂ ଭୋପାଲରୁ ୫ ମହିଳା ଏବଂ ଜଣେ ପୁରୁଷଙ୍କୁ ଗିରଫ କରାଯାଇଥିଲା । ଗିରଫ ପରେ ପୋଲିସ ପ୍ରାଥମିକ ତଦନ୍ତରୁ ଏହା ଜାଣିବା ପାଇଁ ପାଇଛି । ଏହା ପୂର୍ବରୁ ଜଣେ ମ୍ୟୁନିସିପାଲ ଇଞ୍ଜିନିୟର ଅଭିଯୋଗ ଆଣିଥିଲେ ତାଙ୍କର ଭିଡିଓ ସୁଟିଂ କରି ବ୍ଲାକମେଲ କରାଯାଉଛି । ତାଙ୍କୁ ଏହି ସବୁ ଭିଡିଓ ବଳରେ ୩ କୋଟି ଟଙ୍କା ଅର୍ଥ ଦାବି କରାଯାଉଛି । ବାରମ୍ବାର ଏନେଇ ଧମକ ଦେଉଛନ୍ତି ।
ଅଭିଯୁକ୍ତଙ୍କଠାରୁ ସ୍ପାଇ କ୍ୟାମେରା ଜବତ କରାଯାଇଥିବା ଇନ୍ଦୋରର ବରିଷ୍ଠ ପୋଲିସ ଅଧିକାରୀ ରୁଚି ବର୍ଦ୍ଦନ ସ୍ପଷ୍ଟ କରିଛନ୍ତି । ତେବେ ଏହାର ଟେକ୍ନୋଲୋଜି ବାବଦରେ ଏବଂ ଅନ୍ୟ କିଛି ତଥ୍ୟ ସେ ସେୟାର କରିନାହାନ୍ତି । ଏପରି ଆହୁରି ଅନେକ ଭିଜୁଆଲ ସୋସିଆଲ ମିଡିଆରେ ଘୁରି ବୁଲୁଥିବା ଅଭିଯୋଗ ଆସିଛି । ହେଲେ ଏଥିମଧ୍ୟରେ କିଛି ଭିଡିଓ ମର୍ଫଡ(ସଠିକ ନୁହେଁ) ବୋଲି ଜଣାପଡିଛି ।
