ଭୋପାଳ: ଗଲୱାନରେ 20 ଭାରତୀୟ ଯବାନଙ୍କ ଶହୀଦରେ ଦେଶ ଚୀନକୁ ବିରୋଧ କରିବାରେ ଲାଗିଛି, କେବଳ ସାଧାରଣ ଜନତା ନୁହେଁ ବରଂ ରାଜନେତା ମଧ୍ୟ ଚାଇନାକୁ ବିରୋଧ କରିବା ଆରମ୍ଭ କରିଦେଲେଣି । ବର୍ତ୍ତମାନ ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ମଧ୍ୟ ଚାଇନାର ସାମଗ୍ରୀକୁ ବର୍ଜନ କରିବାକୁ ନିବେଦନ କରିଛନ୍ତି ।
ଶିବରାଜ ସିଂ ଚୌହାନ କହିଛନ୍ତି, ‘ମୁଁ ମଧ୍ୟପ୍ରଦେଶର ଲୋକଙ୍କୁ ମେଡ୍ ଇନ୍ ଚାଇନା ସାମଗ୍ରୀକୁ ବଏକଟ୍ କରିବାକୁ ନିବେଦନ କରୁଛି। ଆମର ସୈନ୍ୟବାହିନୀ ସେମାନଙ୍କୁ ଉପଯୁକ୍ତ ଉତ୍ତର ଦେଉଛନ୍ତି କିନ୍ତୁ ଆମେ ସେମାନଙ୍କୁ ଆର୍ଥିକ ଦୃଷ୍ଟିରୁ କ୍ଷତି ପହଞ୍ଚାଇବା ’ ।
ଜୁନ 15 ରେ ଚୀନ ବୈଦେଶିକ ମନ୍ତ୍ରଣାଳୟର ମୁଖପାତ୍ର ଝାଓ ଲିଜିଆନ୍ ପୂର୍ବ ଲଦାଖରେ ହୋଇଥିବା ସଂଘର୍ଷ ପାଇଁ ଭାରତକୁ ଦାୟୀ କରି କରିଛନ୍ତି । ଗଲୱାନ୍ ଉପତ୍ୟକା ପ୍ରକୃତ ନିୟନ୍ତ୍ରଣ ରେଖାର ଚୀନ ଭାଗରେ ରହିଛି। ଚୀନର ସୁରକ୍ଷା କର୍ମୀମାନେ ଦୀର୍ଘ ବର୍ଷ ଧରି ସେଠାରେ ପେଟ୍ରୋଲିଂ କରି ନିଜର କର୍ତ୍ତବ୍ୟ ପାଳନ କରୁଛନ୍ତି। ଅନ୍ୟପକ୍ଷେ ଭାରତ କହିଛି ଯେ 2 ଦେଶ ମଧ୍ୟରେ କମାଣ୍ଡର ସ୍ତରୀୟ ଦ୍ବିତୀୟ ବୈଠକ ଜଲଦି କରାଯିବ ।
