ଥିରୁଅନନ୍ତପୂରମ୍: କେରଳର ମୁଖ୍ୟମନ୍ତ୍ରୀ ପିନାରାଇ ବିଜୟନଙ୍କ ଇସ୍ତଫା ଦାବିରେ ଆଜି ଦିନିକିଆ ଉପବାସ କରୁଛନ୍ତି ବୈଦେଶିକ ବ୍ୟାପାର ମନ୍ତ୍ରୀ ଭି ମୁରଲୀଧରନ୍ । ସୁନା ଚୋରା ଚାଲାଣ ମାମଲାରେ ସିଏମଙ୍କ କାର୍ଯ୍ୟାଳୟର ସମ୍ପୃକ୍ତି ଥିବା ଅଭିଯୋଗରେ ଏହି ଉପବାସ ଦଳ ପକ୍ଷରୁ ଆରମ୍ଭ ହୋଇଥିବା ଆନ୍ଦୋଳନର ଏକ ଅଂଶ । ତେବେ ନୂଆଦିଲ୍ଲୀରେ ଥିବା ତାଙ୍କ ବାସଭବନରେ ମୁରଲୀଧରନ୍ ଆଜି ଉପବାସ କରୁଥିବା ଜଣାପଡିଛି ।
ଏଠାରେ ସୂଚନା ଥାଉ ଯେ, କେରଳର ସୁନା ଚୋରା ଚାଲାଣ ମାମଲାରେ ଗୁରୁବାର ଆଉ ଦୁଇ ଜଣଙ୍କୁ ଗିରଫ କରିଛି କଷ୍ଟମ ବିଭାଗ । ବୁଧବାର ଥିରୁଅନନ୍ତପୁରମରେ ଅନୁସନ୍ଧାନକାରୀ ସଂସ୍ଥା ଏକାଧିକ ଚଢାଉ କରିଥିଲେ। ଏହି ମାମଲାର ଅଭିଯୁକ୍ତ ସ୍ବପ୍ନା ସୁରେଶ କାର୍ଯ୍ୟ କରୁଥିବା କେରଳ ଷ୍ଟେଟ ଆଇଟି ଇନଫ୍ରାଷ୍ଟ୍ରକଚର ଲିମିଟେଡରେ ମଧ୍ୟ ଚଢାଉ ହୋଇଥିଲା । ନ୍ୟାସନାଲ ଇନଭେଷ୍ଟିଗେସନ୍ ଏଜେନ୍ସି (ଏନଆଇଏ) ଏହି ମାମଲାରେ ଚାରିଜଣ ଅଭିଯୁକ୍ତଙ୍କ ବିରୋଧରେ ମାମଲା ରୁଜୁ କରିଛି । ସେଥିମଧ୍ୟରୁ ତିନିଜଣ ଗିରଫ ହୋଇଛନ୍ତି।
