ମୁମ୍ବାଇ: ବଲିଉଡର ଡ୍ରଗ୍ସ ଲିଙ୍କର ଗୁମର ଖୋଲୁଛି ଏନସିବି । ସୁଶାନ୍ତ ସିଂ ଙ୍କ ମୃତ୍ୟୁ ମାମଲାରେ ରିୟା ଗିରଫ ପରେ ଏବେ ବଡ ଅଭିନେତ୍ରୀଙ୍କୁ ଜେରା କରୁଛି ଏନସିବି। ଏଥିସହ ବର୍ତ୍ତମାନ ଡ୍ରଗ୍ସ ଲିଙ୍କରେ ବଲିଉଡରୁ 18ରୁ ଅଧିକ ଜଣକ ଗିରଫ କରାଯାଇଛି । ଏନେଇ ଶନିବାର ଏନସିବିର ଦକ୍ଷିଣ-ପଶ୍ଚିମ ଅଞ୍ଚଳର ଡେପୁଟି ଡିଜି ମୁଥା ଅଶୋକ ଜେନା କହିଛନ୍ତି।
ଶନିବାର ଦୀପିକା ପାଦୁକୋନ ଓ ତାଙ୍କ ମ୍ୟାନେଜର କରିଶ୍ମା ପ୍ରକାଶ ସମେତ ସାରା ଅଲ୍ଲୀ ଖାନ, ଶ୍ରଦ୍ଧା କପୁରଙ୍କୁ ଏନସିବି ଜେରା କରିବା ପରେ ସେମାନଙ୍କ ବୟାନ ରେକର୍ଡ କରିଛି । ଡ୍ରଗ୍ସ ମାମଲାରେ ଏନସିବି ଶନିବାର ଧର୍ମ ପ୍ରଡକ୍ସନ୍ସର କାର୍ଯ୍ୟନିର୍ବାହୀ ନିର୍ମାତା କ୍ଷିତିଜ ରବି ପ୍ରସାଦଙ୍କୁ ଗିରଫ କରିଛି। ଆଜି କୌଣସି ନୂତନ ସମନ ପଠାଯାଇନାହିଁ । ଏବେ ସୁଦ୍ଧା 18 ରୁ ଅଧିକ ଲୋକଙ୍କୁ ଗିରଫ କରାଯାଇଛି ବୋଲି ଡିଜି ସୂଚନା ଦେଇଛନ୍ତି ।
ଏନସିବି ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ମାମଲା ସହ ଜଡିତ ଟଙ୍କା ହେରଫେର ଘଟଣାର ଯାଞ୍ଚ କରୁଥିବା ଏନଫୋର୍ସମେଣ୍ଟ ନିର୍ଦ୍ଦେଶାଳୟ (ଇଡି) ରୁ ସରକାରୀ ଯୋଗାଯୋଗ ପାଇବା ପରେ ଡ୍ରଗ୍ସ ମାମଲାର ତଦନ୍ତ ଆରମ୍ଭ କରିଛି। ଅନୁସନ୍ଧାନରେ, ଡ୍ରଗ୍ସ ବ୍ୟବହାର, କ୍ରୟ, ବ୍ୟବହାର ଏବଂ ପରିବହନ ସହ ଜଡିତ ବିଭିନ୍ନ ଚାଟ୍ ସହିତ ଅନେକ ସୂଚନା ସାମ୍ନାକୁ ଆସିଥିଲା ।
ଜୁଲାଇ 28 ରେ ବିହାରରେ ରିୟା ଚକ୍ରବର୍ତ୍ତୀଙ୍କ ବିରୋଧରେ ରାଜପୁତଙ୍କ ପିତା କେ.କେ ସିଂଙ୍କ ଏକ ମାମଲା ରୁଜୁ କରିଥିଲେ । ଇଡି ଜୁଲାଇ 31 ରେ ଏକ ଏନଫୋର୍ସମେଣ୍ଟ ରିୟାଙ୍କ ବିରୋଧରେ ମାମଲା ରୁଜୁ ହୋଇଥିଲା । ରାଜପୁତଙ୍କ ମୃତଦେହ ମୁମ୍ବାଇ ବାସଭବନରେ ଜୁନ୍ 14 ରେ ଉଦ୍ଧାର କରାଯାଇଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
