ନୂଆଦିଲ୍ଲୀ: କୋଝିକୋଡ ବିମାନ ଦୁର୍ଘଟଣାରେ ପ୍ରାଣ ହରାଇଥିବା ଦୁଇ ପାଇଲଟଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି 100ରୁ ଅଧିକ ପାଇଲଟ । ଦିଲ୍ଲୀର ଆଇଜିଆଇ ବିମାନ ବନ୍ଦରରେ 100 ରୁ ଅଧିକ ପାଇଲଟ ଶ୍ରଦ୍ଧାଞ୍ଜଳି ଦେଇଥିବା ଜଣାପଡିଛି ।
ଏୟାର ଇଣ୍ଡିଆ, ଇଣ୍ଡିଗୋ, ସ୍ପାଇସ ଜେଟ୍ ପାଇଲଟ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି । ବିମାନବନ୍ଦର ମୁଖପାତ୍ର ସୂଚନା ଦେଇ କହିଛନ୍ତି ଏହି ଦୁର୍ଘଟଣାରେ ମୃତ ପାଇଲଟଙ୍କୁ ଶେଷ ବିଦାୟ ଦେବା ପାଇଁ AI, AIX, ଇଣ୍ଡିଗୋ ଏବଂ ସ୍ପାଇସ ଜେଟ୍ ର 100 ରୁ ଅଧିକ ପାଇଲଟ ମୃତ ପାଇଲଟଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି । ଏହାସହ ସେ ଅନେକ ଯାତ୍ରୀଙ୍କ ଜୀବନ ବଞ୍ଚାଇଥିବାରୁ ଏହାର ପ୍ରଶଂସା ମଧ୍ୟ କରିଛନ୍ତି । ଏହା ବ୍ୟତୀତ ଗ୍ରାଉଣ୍ଡ କର୍ମଚାରୀମାନେ ମଧ୍ୟ ମିଳିତ ହୋଇ ସେମାନଙ୍କର ଶେଷ ବିଦାୟ ପ୍ରଦାନ କରିଥିଲେ।
ଏବେ ସୁଦ୍ଧା ଦୁର୍ଘଟଣାରେ 19 ଜଣ ମୃତ୍ୟୁବରଣ କରିଥିବା ବେଳେ 123 ଜଣ ଆହତ ହୋଇଛନ୍ତି । ଆହତଙ୍କ ଚିକିତ୍ସା ଜାରି ରହିଛି । ଆଗକୁ ମୃତ୍ୟୁ ସଂଖ୍ୟା ଆହୁରି ବଢିପାରେ ବୋଲି ମଧ୍ୟ ଆଶା କରାଯାଉଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
