ହାଇଦ୍ରବାଦ: ମୋଣ୍ଟେଫିଓର ହେଲଥ ସିଷ୍ଟମ ଓ ଆଲବର୍ଟ ଆଇନଷ୍ଟାଇନ କଲେଜ ଅଫ୍ ମେଡିସିନ୍ ଆଡାପଟିଭ୍ କୋଭିଡ-19 ଚିକିତ୍ସା ପରୀକ୍ଷା (ACTT) ର ପରବର୍ତ୍ତୀ ପର୍ଯ୍ୟାୟ ଆରମ୍ଭ କରିଛି, ଯେଉଁଥିରେ ଗୁରୁତର କୋଭିଡ-19 ସଂକ୍ରମଣରେ ଡାକ୍ତରଖାନାରେ ଭର୍ତ୍ତି ହୋଇଥିବା ଲୋକଙ୍କ ଚିକିତ୍ସା ବିକଳ୍ପକୁ ଆକଳନ କରାଯିବ ।
ଏହି ପରୀକ୍ଷଣର ନୂତନ ପୁନରାବୃତ୍ତି, ACTT-2 ଭାବରେ ଜଣାଶୁଣା । ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ହେଲଥ୍ ର ଏକ ଅଂଶ ନ୍ୟାସନାଲ୍ ଇନଷ୍ଟିଚ୍ୟୁଟ୍ ଅଫ୍ ଆଲର୍ଜି ଓ ଇନଫେକସନ୍ ଡିଜିଜ୍ (NIAID) ଦ୍ବାରା ପ୍ରାୟୋଜିତ । ମାର୍ଚ୍ଚରେ, ମଣ୍ଟେଫିଓର୍ ହେଉଛି ନ୍ୟୁୟର୍କର ପ୍ରଥମ ସ୍ଥାନ ଯାହାକି ମଲ୍ଟିସେଣ୍ଟର୍ ଟ୍ରାଏଲ୍ ରେ ଯୋଗ ଦେଇଥିଲା, ଯାହା ରେମଡେସିଭିର ମୂଲ୍ୟାଙ୍କନ କରିଥିଲା ।
ଗତ ମାସରେ ଘୋଷିତ ହୋଇଥିବା ଓ ଶୁକ୍ରବାର ନ୍ୟୁ ଇଂଲଣ୍ଡ ଜର୍ଣ୍ଣାଲ ଅଫ୍ ମେଡିସିନରେ ପ୍ରକାଶିତ ଏହି ପରୀକ୍ଷଣର ପ୍ରାଥମିକ ଫଳାଫଳରୁ ଜଣାପଡିଛି ଯେ ରେମଡେସିଭିର୍ ଗ୍ରହଣ କରିଥିବା କୋଭିଡ-19 ରୋଗୀମାନେ ହାରାହାରି 11 ଦିନରେ ପ୍ଲେସବୋ ଗୋଷ୍ଠୀର ରୋଗୀଙ୍କ ତୁଳନାରେ ସୁସ୍ଥ ହୋଇଥିଲେ। 1 ହଜାର 63 କ୍ଲିନିକାଲ୍ ଟ୍ରାଏଲ୍ ଅଂଶଗ୍ରହଣକାରୀଙ୍କ ମଧ୍ୟରୁ 91 ଜଣ, ପ୍ରାୟ 10 ପ୍ରତିଶତ ମୋଣ୍ଟେଫିଓର୍ ଓ ଆଇନଷ୍ଟାଇନରେ ଥିଲେ ।
ରିମାଟଏଡ ଆର୍ଥ୍ରାଇଟିସ ସହିତ ଜଡିତ ପ୍ରଦାହକୁ ହ୍ରାସ କରିବା ପାଇଁ ବାରିସିଟିନିବକୁ ବଜାରରେ ବିକ୍ରି କରାଯାଏ । ଅନୁସନ୍ଧାନକାରୀମାନେ ଜାଣିବାକୁ ଚାହାଁନ୍ତି ଯେ ରିମଡେସିଭିର ସହିତ ବାରିସିଟିନିବ ହାଇପର- ଇନ୍ଫ୍ଲାମେଟୋରୀ ‘ସାଇଟୋକାଇନ୍ ଝଡ’ କୁ ରୋକିପାରେ କିମ୍ବା ହ୍ରାସ କରିପାରିବ । ଏହା କୋଭିଡ-19 ଥିବା ଲୋକଙ୍କ ଫୁସଫୁସ ଓ ଶରୀରର ଅନ୍ୟ ଅଂଶକୁ ସାଂଘାତିକ ଭାବରେ ଭରି ଦେଇପାରେ ଯେତେବେଳେ ସେମାନଙ୍କର ପ୍ରତିରକ୍ଷା ପ୍ରଣାଳୀ କୋରୋନା ଭାଇରସ ସଂକ୍ରମଣ ଉପରେ ପ୍ରତିକ୍ରିୟା କରେ ।
ଆଇନଷ୍ଟାଇନର ଚିକିତ୍ସା ପ୍ରଫେସର ତଥା କ୍ଲିନିକାଲ୍ ନିର୍ଦ୍ଦେଶକ ବରୀ ଜିଙ୍ଗମ୍ୟାନ୍ କହିଛନ୍ତି ଯେ ଆମକୁ ଚିନ୍ତା କରୁଥିବା ବିଷୟ ହେଉଛି ଯେ କେତେକ ଲୋକଙ୍କ ମଧ୍ୟରେ କୋରୋନା ଭାଇରସ୍ ପ୍ରତି ରୋଗ ପ୍ରତିରୋଧକ ପ୍ରତିକ୍ରିୟା ସଂକ୍ରମଣ ଅପେକ୍ଷା ଅଧିକ ମାରାତ୍ମକ ହୋଇପାରେ ଓ ଏପର୍ଯ୍ୟନ୍ତ କୌଣସି ଚିକିତ୍ସା କରାଯାଇ ନାହିଁ। ଆମର ପରୀକ୍ଷଣରେ ବାରିସିଟିନିବ ଅନ୍ତର୍ଭୂକ୍ତ କରି କୋଭିଡ-19 ସମ୍ବନ୍ଧୀୟ ପ୍ରଦାହକୁ ହ୍ରାସ କରିହେବ ଓ ବାରିକଟିନିବକୁ ରେମଡେସିଭିର ସହିତ ମିଶାଇଲେ ଏହି ରୋଗ ଦ୍ବାରା ଅଧିକ ପ୍ରଭାବିତ ହୋଇଥିବା ଲୋକଙ୍କ ପାଇଁ ଏକ ଅଧିକ ପ୍ରଭାବଶାଳୀ ଚିକିତ୍ସା ବିକଳ୍ପ ମିଳିପାରିବ ।
ACTT 2 ରେ ନାମ ଲେଖାଇଥିବା ରୋଗୀମାନେ ଲାବ୍ରୋଟାରୀ-ସୁନିଶ୍ଚିତ କୋରୋନା ଭାଇରସ୍ ସଂକ୍ରମଣ ଓ ଫୁସଫୁସ ଜଟିଳତା ସହିତ ଡାକ୍ତରଖାନାରେ ଭର୍ତ୍ତି ହୁଅନ୍ତି, ନିଶ୍ବାସ ନେବାବେଳେ ଶବ୍ଦ ଶୁଣିବା, ସପ୍ଲିମେଣ୍ଟାରୀ ଅମ୍ଳଜାନର ଆବଶ୍ୟକତା, ନିମୋନିଆ ଦେଖାଉଥିବା ଅସ୍ବଭାବିକ ଛାତି ଏକ୍ସ-ରେ କିମ୍ବା ଯାନ୍ତ୍ରିକ ଭେଣ୍ଟିଲେଟରର ଆବଶ୍ୟକତା । ସମସ୍ତ ରୋଗୀ 10 ଦିନ ପର୍ଯ୍ୟନ୍ତ ରେମଡେସିଭିର୍ ଗ୍ରହଣ କରିବେ । ଅଧା ରୋଗୀଙ୍କୁ ପାଟିରେ ବାରିକଟିନିବ ମଧ୍ୟ ଦିଆଯିବ, ଅବଶିଷ୍ଟ ଅର୍ଦ୍ଧେକ ସମାନ ପ୍ଲେସେବୋ ଗ୍ରହଣ କରିବେ ।
