ନୂଆଦିଲ୍ଲୀ: ସଂସଦର ମୌସୁମୀ ଅଧିବେଶନ ସେପ୍ଟେମ୍ବର 14ରୁ ଆରମ୍ଭ ହେବ । ଏନେଇ ଲୋକସଭା ସଚିବାଳୟ ପକ୍ଷରୁ ଜାରି ବିଜ୍ଞପ୍ତିରେ କୁହାଯାଇଛି।
ଲୋକସଭା ସଚିବାଳୟ ଦ୍ବାରା ଜାରି ବିଜ୍ଞପ୍ତିରେ କୁହାଯାଇଛି, ରାଷ୍ଟ୍ରପତି ରାମନାଥ କୋବିନ୍ଦ ନିମ୍ନଗୃହକୁ 14 ସେପ୍ଟେମ୍ବର ଦିନ 9ଟା ସମୟରେ ସମ୍ବୋଧନ କରିବେ ।
କୋରୋନା ଯୋଗୁଁ ଲୋକସଭା ଓ ରାଜ୍ୟସଭାର ଅଧିବେଶନକୁ ସ୍ଥଗିତ ରଖାଯାଇଥିଲା । ତେବେ ଲୋକସଭାରେ ଅଧିବେଶନ ଆରମ୍ଭ ହେଉଥିବା ବେଳେ ସେହିଦିନ ରାଜ୍ୟସଭାକୁ ଆରମ୍ଭ କରାଯାଇପାରେ ବୋଲି ଆଶା କରାଯାଉଛି।
ପୂର୍ବରୁ କ୍ୟାବିନେଟର ସଂସଦୀୟ ବ୍ୟାପାର କମିଟି ସେପ୍ଟେମ୍ବର 14ରୁ ଅକ୍ଟୋବର 1 ପର୍ଯ୍ୟନ୍ତ ମୌସୁମୀ ଅଧିବେଶନ ଅନୁଷ୍ଠିତ ହେବ ବୋଲି ପୂର୍ବରୁ ସୁପାରିଶ କରାଯାଇଥିଲା ।
