ନୂଆଦିଲ୍ଲୀ: କୂଟନୀତିଜ୍ଞ ମୋନିକା କପିଲ ମୋହତାଙ୍କୁ ସ୍ବିଜରଲ୍ୟାଣ୍ଡରେ ଭାରତର ପରବର୍ତ୍ତୀ ରାଷ୍ଟ୍ରଦୂତ ଭାବରେ ନିଯୁକ୍ତ କରାଯାଇଛି । ମୋନିକାଙ୍କ ନିଯୁକ୍ତି ନେଇ ସୋମବାର ବୈଦେଶିକ ମନ୍ତ୍ରଣାଳୟ ପକ୍ଷରୁ ସୂଚନା ଦିଆଯାଇଛି ।
1985 ବ୍ୟାଚ୍ର ଭାରତୀୟ ବୈଦେଶିକ ସେବା ଅଧିକାରୀ ମୋହତା ଏବେ ସ୍ବିଡେନରେ ଭାରତର ରାଷ୍ଟ୍ରଦୂତ ରହିଛନ୍ତି । ସେ ଖୁବ୍ ଶୀଘ୍ର ସ୍ବିଜରଲ୍ୟାଣ୍ଡରେ ଭାରତୀୟ ରାଷ୍ଟ୍ରଦୂତଭାବେ କାର୍ଯ୍ୟଭାର ଗ୍ରହଣ କରିବେ ବୋଲି ବୈଦେଶିକ ମନ୍ତ୍ରଣାଳୟ କହିଛି । ମୋହଟା ଜୁଲାଇ 2011ରୁ ଜାନୁୟାରୀ 2015 ପର୍ଯ୍ୟନ୍ତ ପୋଲାଣ୍ଡ ଏବଂ ଲିଥୁଆରେ ଭାରତର ରାଷ୍ଟ୍ରଦୂତ ଭାବରେ କାର୍ଯ୍ୟ କରିଛନ୍ତି । ଏହାପୂର୍ବରୁ ସେ 2006ରୁ 2011 ପର୍ଯ୍ୟନ୍ତ ବ୍ରିଟେନ ସ୍ଥିତ ଭାରତର ଉଚ୍ଚାୟୁକ୍ତରେ ନେହେରୁ କେନ୍ଦ୍ରର ନିର୍ଦ୍ଦେଶକ ତଥା ସଂସ୍କୃତି ମନ୍ତ୍ରୀ ଭାବରେ କାର୍ଯ୍ୟ କରିଥିଲେ ।
ବୈଦେଶିକ ମନ୍ତ୍ରଣାଳୟରେ ମୋନିକା ଅତିରିକ୍ତ ସଚିବ / ଯୁଗ୍ମ ସଚିବ (ଦକ୍ଷିଣ ବିଭାଗ), ନିର୍ଦ୍ଦେଶକ (ପାକିସ୍ଥାନ), ନିର୍ଦ୍ଦେଶକ (ଗଲ୍ଫ), ନିର୍ଦ୍ଦେଶକ (ବାହ୍ୟ ପ୍ରଚାର) ଏବଂ ଡେପୁଟି ମୁଖପାତ୍ର, ନିର୍ଦ୍ଦେଶକ (ମିଳିତ ଜାତିସଂଘ) ସହିତ ବିଭିନ୍ନ ପଦବୀରେ କାର୍ଯ୍ୟ କରିଛନ୍ତି । ଏହାସହ ସେ ନେପାଳ ଏବଂ ଥାଇଲ୍ୟାଣ୍ଡର ଭାରତୀୟ ଦୂତାବାସରେ ଏବଂ ୟୁନେସ୍କୋକୁ ସ୍ଥାୟୀ ପ୍ରତିନିଧିତ୍ବ କରିସାରିଛନ୍ତି ।
@ANI
