ଲକ୍ଷ୍ନୌ: ସିଏଏକୁ ନେଇ ଦିଲ୍ଲୀ ଅଶାନ୍ତ । ଲଗାତାର ହିଂସାରେ ପ୍ରାୟ 42ଜଣଙ୍କ ମୃତ୍ୟୁ ହୋଇସାରିଛି । ଏହାକୁ ନେଇ ପ୍ରସ୍ତୁତ ହେଉଛି ଉତ୍ତରପ୍ରଦେଶ । ହିଂସାକୁ ଦୃଷ୍ଟିରେ ରଖି ୟୁପିର ଶାହଜାହାଁପୁରରେ ପୋଲିସ ମକ୍ ଡ୍ରିଲ କରୁଥିବା ଦେଖିବାକୁ ମିଳିଛି । ଉତ୍ତରପ୍ରଦେଶରେ କୌଣସି ପ୍ରକାର ହିଂସା ସ୍ଥିତି ନଘଟୁୁ ଏହାକୁ ଦୃଷ୍ଟିରେ ରଖି ପୋଲିସ କର୍ମଚାରୀ ପ୍ରସ୍ତୁତ ହୋଇ ରହିଛନ୍ତି ।
ୟୁପିରେ ପୋଲିସର ମକ୍ ଡ୍ରିଲ୍
ଏଥିରେ ଫାୟାରିଂ, ଲୁହବୁହା ଗ୍ୟାସର ପ୍ରୟୋଗ ଆଦିର ରିହରସଲ୍ କରିଛନ୍ତି । ଆଇନ ବ୍ୟବସ୍ଥା ଉପରେ ସ୍ଥିତି ନିୟନ୍ତ୍ରଣ କରିବା ପାଇଁ ପୋଲିସ ଅଧିକ୍ଷକ ଟ୍ରେନିଂ ଦେଇଥିଲେ । ଦଙ୍ଗା ନିୟନ୍ତ୍ରଣ ଉପକରଣର ବ୍ୟବହାର ସହ ଭିଡ ଉପରେ ଲୁହବୁହା ଗ୍ୟାସ ପ୍ରୟୋଗର ଟ୍ରେନିଂ ମଧ୍ୟ ଦିଆଯାଇଥିଲା ।
ଅଗ୍ନିକାଣ୍ଡ ଓ ଫାୟାରିଂରେ ଆହତ ହୋଇଥିବା ଲୋକଙ୍କୁ କିପରି ସହାୟତା କରାଯିବ, ଏହାକୁ ନେଇ ମଧ୍ୟ ଟ୍ରେନିଂ ଦିଆଯାଇଛି । ଏହାସହ ଦମକଳବାହିନୀ ଓ ଆମ୍ବୁଲାନ୍ସ ମଧ୍ୟ ଏଥିରେ ସାମିଲ ଅଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
