ନୂଆଦିଲ୍ଲୀ: 2019 ଲୋକସଭା ନିର୍ବାଚନ ପ୍ରଚାର ଏବେ ଚୌକିଦାରରୁ ଆରମ୍ଭ ହୋଇ ଚା କପରେ ପହଞ୍ଚିଲାଣି । କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀଚୌକିଦାର ନାରା ଦେବା ପରେ ପ୍ରଧାନମନ୍ତ୍ରୀ ମୋଦି ‘ମେଁ ଭି ଚୌକିଦାର’ ହୁଁ ବୋଲି କହିଥିଲେ। ସେବେ ଠାରୁ ସୋସିଆଲ ମିଡିଆରେ କ୍ରେଜ ପାଲଟିଥିଲା ମୋଦିଙ୍କ ‘ମେଁ ଭି ଚୌକିଦାର’ । ବର୍ତ୍ତମାନଶତାବ୍ଦୀ ଟ୍ରେନରେ ଯାତ୍ରୀଙ୍କୁ ଦିଆଯାଉଥିବା ଚା' କପରେ ଦେଖିବାକୁ ମିଳିଛି ‘ମେଁ ଭି ଚୌକିଦାର’ ।
ଟ୍ରେନରେ ଏଭଳି ଚା' କପରେ ଚା ଦେବାକୁ ନେଇ ଜଣେ ଯାତ୍ରୀ ବିରୋଧ କରିଥିଲେ । ଏହାପରେ ସୋସିଆଲ ମିଡିଆରେ ଏହି ଚା କପର ଫଟୋ ଭାଇରାଲ ହୋଇଥିଲା । ରେଳ ବିଭାଗର ଏପରି ବ୍ୟବସ୍ଥାକୁ କିଛି ଲୋକ ନିନ୍ଦା କରିଥିଲେ।
ତେବେ ରେଳ ବିଭାଗ ଏହି ଘଟଣାରେ ପଦକ୍ଷେପ ନେଇଛି । ସଙ୍ଗେ ସଙ୍ଗେ ଘଟଣାରେ ସଂପୃକ୍ତ ଥିବା ଠିକାଦାର ଏବଂ ସୁପରଭାଇଜରଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ନିଆଯାଇଛି । ଏହି ଚା’ କପ ସହ କୌଣସି ରାଜନୈତିକ ଦଳର ସଂଯୋଗ ନାହିଁବୋଲି ସୂଚନା ମିଳିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
