ସିଲଂ: ମେଘାଳୟରେ ଘଟିଛି ଏକ ଦୁଃଖଦ ଘଟଣା । ତନ୍ତ୍ରମନ୍ତ୍ର ଶିଖିବା ପାଇଁ ଜଣେ 80ବର୍ଷର ବୃଦ୍ଧଙ୍କୁ ଜୀଅନ୍ତା 5ଫୁଟ ଗାତରେ ପୋତି ହେଲେ ଚାରି ଜଣ ପୁତୁରା । ଘଟଣାର ଦଦନ୍ତ କରି ପୋଲିସ ଆଠଜଣଙ୍କୁ ଗିରଫ କରିଛି ।
ତନ୍ତ୍ରମନ୍ତ୍ର ଶିଖିବା ପାଇଁ ଅତି ନିମ୍ନ ସ୍ତରକୁ ଖସିଲା ପୁତୁରା । ନିଜ ବଡବାପାଙ୍କୁ ପାଞ୍ଚଫୁଟ ଗଭୀର ଗାତରେ ଜୀଅନ୍ତା ପୋତି ଦେଲେ ଚାରିଜଣ ପୁତୁରା । ଖବର ଅନୁଯାୟୀ ମାୱାଲିହବାହ ମାନୱାର ଗାଁର ମୋରିସ ମାରନଗର ନାମକ ଜଣେ ବୃଦ୍ଧ ଘରୁ ହଠାତ୍ କୁଆଡେ ଚାଲିଯାଇଥିଲେ । ଘର ଲୋକ ତାଙ୍କୁ ଅପହରଣ କରାଯାଇଥିବା ଅନୁମାନ କରି ପୋଲିସର ସାହାଯ୍ୟ ଲୋଡିଥିଲେ । ବୃଦ୍ଧଙ୍କ ଝିଅ ତାଙ୍କ ବାପାଙ୍କୁ ଅପହରଣ କରିବାରେ ତାଙ୍କ ଚାରି ପୁତୁରାଙ୍କ ହାତ ଥିବା କହିଥିଲେ । ଘଟଣାର ତଦନ୍ତ କରି ପୋଲିସ ଜାଣିବାକୁ ପାଇଲା ଯେ ପଶ୍ଚିମ ଗରୋ ପାହାଡ ପାଖରେ ଜଣେ ବୃଦ୍ଧଙ୍କ ହାତଗୋଡ ବାନ୍ଧି ପୋତାଯାଇଛି । ପୋଲିସ ଘଟଣାସ୍ଥଳରେ ପହଞ୍ଚି ପାଞ୍ଚଫୁଟ ଗାତରୁ ମୃତ ମୋରିସଙ୍କୁ ଉଦ୍ଧାର କରିଛି । ସେଠାରେ କିଛି ଗାଁ ଲୋକ ଉପସ୍ଥିତ ଥିଲେ । ଘଟଣାରେ ସମୁଦାୟ 8ଜଣଙ୍କ ସଂପୃକ୍ତି ଥିବା ବେଳେ ଚାରି ଜଣ ବୃଦ୍ଧଙ୍କ ପୁତୁରା ବୋଲି ଜଣାପଡିଛି । ପୋଲିସ ସମସ୍ତ 8ଜଣଙ୍କୁ ଗିରଫ କରିଛି ।
ଘଟଣାରେ ଗୃହ ମନ୍ତ୍ରୀ ଲକ୍ଷମେନ ରିନବୁଇ ଦୁଃଖ ପ୍ରକାଶ କରିବା ସହ ଦୋଷୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛନ୍ତି ।
