ନୂଆଦିଲ୍ଲୀ: ଅଯୋଧ୍ୟା ରାମ ଜନ୍ମଭୂମି-ବାବ୍ରି ମସଜିଦ ଜମି ବିବାଦରେ ନିଯୁକ୍ତ ମଧ୍ୟସ୍ଥତା କମିଟି କୌଣସି ନିର୍ଣ୍ଣୟ ନେବାରେ ଅକ୍ଷମ ହୋଇଛନ୍ତି । ତେଣୁ ଏହାର ପରବର୍ତ୍ତୀ ଶୁଣାଣୀ ଅଗଷ୍ଟ 6ରୁ ହେବ ବୋଲି ସୁପ୍ରିମ କୋର୍ଟ ନିଷ୍ପତ୍ତି ନେଇଛନ୍ତି ।
ମୁଖ୍ୟ ବିଚାରପତି ରଞ୍ଜନ ଗୋଗୋଇ କହିଛନ୍ତି, ମଧ୍ୟସ୍ଥତା କମିଟିର ରିପୋର୍ଟ ହସ୍ତଗତ ହୋଇଛି । ମଧ୍ୟସ୍ଥତା କମିଟି କୌଣସି ଫଳାଫଳ ଦେବାରେ ଅକ୍ଷମ ହୋଇଛନ୍ତି । ତେଣୁ ଏହାର ଶୁଣାଣୀ ଆସନ୍ତା 6 ତାରିଖରୁ ଆରମ୍ଭ ହେବ ।
ମୁସଲିମ ସମ୍ପ୍ରଦାୟ ପକ୍ଷରୁ ଲଢୁଥିବା ଜଣେ ଓକିଲ ଏହି ମାମଲାର ତର୍କ ପାଇଁ 20 ଦିନ ସମୟ ମାଗିଥିଲେ । ଏହାକୁ ମୁଖ୍ୟ ବିଚାରପତି ଆଗ୍ରାହ୍ୟ କରିବା ସହ ସୁପ୍ରିମକୋର୍ଟ ଏହାର ନିଷ୍ପତ୍ତି ନେବ ବୋଲି ପ୍ରକାଶ କରିଥିଲେ ।
ନିଯୁକ୍ତ ମଧ୍ୟସ୍ଥତା କମିଟି ଗତ ମାର୍ଚ୍ଚ 8ରେ ଗଠନ କରାଯାଇଥିଲା । ଜଣେ ପୂର୍ବତନ ସୁପ୍ରିମ କୋର୍ଟ ବିଚାରପତି, ଜଷ୍ଟିସ୍ ଏଫଏମ୍ ଇବ୍ରାହିମ କଲିଫୁଲା ଏବଂ ଧାର୍ମିକ ଗୁରୁ ରବି ଶଙ୍କରଙ୍କୁ ନେଇ ମଧ୍ୟସ୍ଥତା କମିଟି ଗଠନ କରାଯାଇଥିଲା । ସୁପ୍ରିମ କୋର୍ଟଙ୍କ ମୁଖ୍ୟ ବିଚାରପତି ରଞ୍ଜନ ଗୋଗେଇ ଏହି ମଧ୍ୟସ୍ଥତା କମିଟି ଗଠନ କରିଥିଲେ ।
