ଇସଲାମାବାଦ: ପାକିସ୍ତାନର ରାୱଲପିଣ୍ଡିସ୍ଥିତ ସେନା ହସ୍ପିଟାଲରେ ରବିବାର ଏକ ବଡ ଧରଣର ବିସ୍ଫୋରଣ ଘଟିଥିବା ସୂଚନା ମିଳିଛି । ଏହି ବିସ୍ଫୋରଣରେ 10 ଜଣ ଆହତ ହୋଇଛନ୍ତି । ତେବେ ଏହି ଆକ୍ରମଣରେ ଆତଙ୍କବାଦୀ ସଙ୍ଗଠନ ଜୈଶ-ଏ-ମହମ୍ମଦର ମୁଖ୍ୟ ମସୁଦ୍ ଆଜହାର ମଧ୍ୟ ଗୁରୁତର ଆହତ ହୋଇଥିବା ଜଣାପଡିଛି । ପାକିସ୍ତାନ ସରକାରଙ୍କ ପକ୍ଷରୁ ଘଟଣାର ପୃଷ୍ଟି ହୋଇନଥିଲେ ସୁଦ୍ଧା ଟ୍ବିଟରରେ ବିସ୍ଫୋରଣର ଏକ ଭିଡିଓ ଘୁରିବୁଲୁଛି ଯେଉଁଥିରେ ମସୁଦ୍ ଆଜହାର ଗୁରୁତର ହୋଇଥିବା ଦାବି କରାଯାଇଛି ।
ସୂଚନା ମୁତାବକ, ପାକିସ୍ତାନ କ୍ବାଟାର ଏହସାନ ଉଲ୍ଲହା ମିୟାଖେଲ ନାମକ ଜଣେ ବ୍ୟକ୍ତି ନିଜ ଟ୍ବିଟର ଆକାଉଣ୍ଟରେ ଏକ ଭିଡିଓ ପୋଷ୍ଟ କରି ପାକିସ୍ତାନ ସେନା ହସ୍ପିଟାଲରେ ବିସ୍ଫୋରଣ ଘଟିଥିବା ଦାବି କରିଛନ୍ତି । ତେବେ ଏହି ହସ୍ପିଟାଲରେ ମସୁଦ୍ ଆଜହାର ମଧ୍ୟ ଭର୍ତ୍ତି ହୋଇଥିଲା । ସେ ଗୁରୁତର ଆହତ ହୋଇଥିବା ସେ ନିଜ ପୋଷ୍ଟରେ ଉଲ୍ଲେଖ କରିଛନ୍ତି । ଏହି କାରଣରୁ ପାକିସ୍ତାନୀ ଗଣମାଧ୍ୟମକୁ ଏହି ଖବର ପ୍ରକାଶ କରିବାକୁ ବାରଣ କରାଯାଇଥିବା ସେ ଦାବି କରିଛନ୍ତି ।
ସେପଟେ ବିସ୍ଫୋରଣକୁ ନେଇ ଏବେ ସୁଦ୍ଧା ଅଧିକାରୀ ରୂପରେ ସ୍ପଷ୍ଟ କରାଯାଇନାହିଁ । ତେଣୁ ଭିଡିଓଟି କେତେଦୂର ସତ ତାହା ବର୍ତ୍ତମାନ ଆକଳନ କରିବା କଷ୍ଟକର ।
