ଓଡିଶା-ଛତିଶଗଡ ସୀମାରେ IED ବିସ୍ଫୋରଣ, ୨ ଗୁରୁତର

ଛତିଶଗଡ ବିଜାପୁରରେ ପୁଣି ମାତିଲେ ଲାଲବାହିନୀ । ଘଟାଇଲେ ଆଇଡି ବିସ୍ଫୋରଣ । 2 ସ୍ଥାନୀୟ ବାସିନ୍ଦା ଆହତ ହୋଇଥିବା ସୂଚନା ।

ରାୟପୁର: ବିଜାପୁରରେ ପୁଣି ମାତିଲେ ଲାଲବାହିନୀ । ବିଜାପୁରରେ ମାଓବାଦୀ ଆଇଡି ବିସ୍ଫୋରଣ କରିଥିବା ସୂଚନା ମିଳିଛି । ଏହି ବିସ୍ଫୋରଣରେ ଏକ ବୋଲେରୋ କ୍ଷତିଗ୍ରସ୍ତ ହୋଇଥିବା ବେଳେ କେହି ନିହତ ହୋଇନଥିବା ଜଣାପଡିଛି । ତେବେ ବିସ୍ଫୋରଣରେ 2 ଜଣ ଗୁରୁତର ହୋଇଥିବା ସୂଚନା ମିଳିଛି ।

ବାସାଗୁଡା ଥାନା ଠାରୁ 2 କିମି ଦୁରରେ ରାଜପେଟ ଅଞ୍ଚଳରେ ଏଭଳି ଘଟଣା ଘଟିଥିବା ଜଣାପ଼ଡିଛି । ତେବେ ସୁରକ୍ଷାବାହିନୀ ଗାଡିକୁ ଟାର୍ଗେଟ କରି ଲାଲବାହିନୀ ପକ୍ଷରୁ ଏପରି କାମ କରାଯାଇଥିବା ସନ୍ଦେହ କରାଯାଉଛି । ତେବେ ବିସ୍ଫୋରଣ ପରେ ଘଟଣାସ୍ଥଳରେ ପହଞ୍ଚିଛି ସ୍ଥାନୀୟ ବାସାଗୁଡା ପୋଲିସ ।

ବ୍ୟୁରୋ ରିପୋର୍ଟ, ଇଟିଭି ଭାରତ